JPEX案︳警方拘捕Coingaroo職員 其中一人為《全民造星》「酒粒仔」趙敬賢

虛擬幣平台JPEX案，警方再向另一家虛擬幣找換店Coingaroo進行搜查，並拘捕2名職員。有報導指，其中一位23歲被捕男子係曾參加《全民造星》第一、二季嘅「酒粒仔」趙敬賢。據知「酒粒仔」係Coingaroo公司總經理，被捕後佢個人IG 帳戶已轉為私人帳戶。

2018年舉行嘅第一屆《全民造星》，當年18歲嘅「酒粒仔」報稱職業係健身教練，《造星》時「酒粒仔」先打入100強，但第一round就被淘汰，後來得到評審打救，同現MIRROR成員阿Jer（柳應廷）一齊被「復活」成為55強。之後「酒粒仔」再晉一級打入40強，並加入Ian陳卓賢、Anson Lo盧瀚霆、Lokman楊樂文、Tiger邱傲然等人嘅B組。喺分組表演「酒粒仔」同而家ERROR成員阿Dee何啟華一齊演出，但最終不敵有Lokman、Ian同Tiger嘅對手而要出局。翌年嘅《全民造星II》「酒粒仔」再次參加，但打入48強後被淘汰。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！