MIRROR開Live抗疫 Stanley發燒憂確診 姜濤：我被你傳染

男團MIRROR成員姜濤、Lokman及Stanley前晚開Live與粉絲互動，因腸胃炎被誤會確診的Stanley談及病情時，姜濤即笑稱遭對方傳染，2人又難忘年前於台灣齊齊捱飯盒培養感情的日子。

MIRROR獲邀擔任「抗疫大使」，鼓勵大家居家抗疫，他們分批於社交網開Live跟粉絲見面。前晚由「人氣王」姜濤、Lokman及Stanley打頭陣，吸引逾34,000人在線欣賞。姜濤攬被兼撥頭髮，又調校鏡頭令自己「倒轉地球」。

為醫護人員打氣

Lokman問忙於拍攝劇集《季前賽》的姜濤與Stanley，打籃球戲份是否很辛苦？姜濤表示：「OK呀，鍾意打籃球。」Stanley笑言：「我哋得閒就會走去射波，搞到導演要收起個波，等我哋聽佢講嘢。」又表示最深刻是「食錯嘢」搞到腸胃炎兼發燒，一度以為確診，姜濤即說：「我都被你傳染腸胃性感冒，嗰日返到屋企要食藥。」Lokman趁機提醒大家做足抗疫措施，3子又齊聲感激醫護人員付出，為他們打氣。

已有女友的Stanley乘機放閃，自爆「有人」煮飯，並指人生吃得最多外賣是與姜濤在台灣拍劇：「幾乎每日下午同晚餐都係食同一間海南雞飯。」而Lokman問姜濤何時推出新歌？姜濤說：「呢排要拍劇未有太多時間做歌，不過構思已經喺度。」Stanley接口：「佢呢排冇時間跑步，佢啲歌都係跑步嗰陣諗出嚟。」