名媛蔡天鳳謀殺及碎屍案，蔡天鳳前夫一家有三人被控謀殺，包括前夫父親鄺球、母親李瑞香以及哥哥鄺港傑。控方透露，警方喺兇案現場、即係大埔龍尾村一間村屋，搜到30幾把刀、電鋸等等，又搵到兩件屬於蔡天鳳嘅人體下肢，屋內亦搵到一件有李瑞香DNA嘅外套。 控方又話，蔡天鳳母親張燕花，現任家翁以及家姑都會成為控方證人。4名被告只有李瑞香申請保釋，但最後被拒絕，4人繼續還押。