Win Win楊安妮獲力捧演出機會多過COLLAR?網民費解:個樣好冇觀眾緣
《全民造星IV》獲得第五名嘅Win Win(楊安妮),入行後發展不俗,除咗主力綜藝發展及喺《全民造星V》總決賽與男友KC(黃家灝)情侶檔演出之外,最近仲推出首支個人單曲《SENSEI》,演出機會比同期出道嘅COLLAR成員還要多。除咗Win Win自己都唔敢相信得到公司重用之外,一班網民同樣感到費解,唔明點解佢會獲ViuTV力捧。
Win Win參加完《全民造星IV》便獲邀加入COLLAR,不過佢就拒絕咗,其後成為ViuTV旗下藝人,現時佢除咗擔任綜藝及旅遊節目主持之外,最近仲推出首支個人單曲《SENSEI》,明顯備受重用。Win Win興奮到連自己都唔敢相信會出歌,喺IG出PO留言話:「人生第一隻solo單曲《SENSEI》終於出了!!!...我真係無諗過會有機會出solo 嗚!當初收到公司話今年要出歌嘅時候,我真係嚇一大跳 嚇到以為係講笑,所以所以!(雖然遲了起步)但我一定會努力的,雖然唱歌不是我強項,但我會加一千倍油去學唱歌...」
對於Win Win拍節目又出歌,唔少網民都感到費解,紛紛留言指Win Win樣子平凡兼冇觀眾緣,例如「viu咁多女唔用點解要用佢 無樣無技能」、「主要係扁鼻扁面」、「佢個樣好冇觀眾緣」、「完全唔搞笑」、「ViuTV係咪將佢同KC放埋一齊,好肉酸,好似要話畀人聽明造馬吹咩」 、「好串嘅黑人憎樣」、「個格好剋人憎」、「完全唔明白點解winwin出鏡率咁高,做綜藝節目又唔好笑 成日嘴藐藐」、「見親佢做節目都熄電視」、「個樣生得串,見到都想即刻熄電視 都唔知點解出鏡率咁高,又冇特別talent」及「仲要成日都好作狀」等等。不過亦有網民認為佢跳舞不俗及主持節目好睇,留言話:「公道講句 跳舞有料既…」、「Win Win一跳舞就變咗人咁好正」、「佢之前個日本旅遊節目好好睇喎,佢一個人主持都唔會悶,原來日文咁叻」及「Win Win係憑實力」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!