走塑｜中佬研發紙飲管苦盡甘來 月產280萬支核爆式增長 遭網民諷「環保L」

【Yahoo 新聞報道】「我係一個好孤單嘅研發者」。幾乎付出整副身家研發香港最靚紙飲管的中佬 Don，好不容易捱過疫情，今年受惠走塑政策，訂單「核爆式」大增。他卻同時因大眾對紙飲管充滿偏見，感到無比孤單。他在社交平台解釋自家紙飲管環保可回收的原理，被網民嘲諷「你係環保L」，他繼續努力不懈宣揚「香港係有好嘅產品」、「我係真心去做好件事」。

生意淡靜突現曙光：機會嚟喇！

Soilable 老闆 Don 研發的紙飲管獲「Mil Mill 喵坊」回收認證，亦是第一個在綠色平台成功註冊的環保產品公司，產品已獲認證合乎規格，包括獲得回收證書等，證明紙飲管內塗層也能回收處理。「走塑」新政策推行後，Soliable 每月生產珍珠奶茶粗飲管達 280 萬支， Don 接受《Yahoo 新聞》時形容這是「核爆式」增長，「當你坐咗三四年冷板凳，你開始懷疑人生嘅時候，突然間終於話到你喇！機會嚟喇！」經過發行商主動向店舖介紹，目前數間連鎖茶飲店已取用 Soilable 紙飲管。他形容算是「階段性苦盡甘來」，但未有明言是否已收支平衡。

不少紙飲管放入罐裝汽水後「爆泡」。Don 的紙飲管有環保無塑塗層，令飲管平面較為平滑，可避免氣泡積聚而「爆泡」。他今年初開始研發直徑 6 毫米、最為常見的「茶記」飲管，「由 2 月試到 5 月長時間試」。現已投入生產及發售，每支售約 7 仙，相比市面其他紙飲管相，「我啲嘢靚過你，同你差唔多價錢」，適合一般茶餐廳使用，他透露已有佐敦區茶餐廳將會使用。他強調火鍋店、放題店等店舖均是他的目標客群，「啲食客都係一開罐嘢飲就放支管入去」。

Don 在 Facebook 群組發帖介紹自家紙飲管，又引述合作商戶稱其紙飲管較輕易篤穿封膜，更附上影片指台灣有客人更要求他拍片實測「連續篤穿三下」密封的空杯，確保紙飲管不會因受力而彎曲變形。此舉卻換來網民不少冷嘲熱諷：「用紙飲管嘅廢水，一律 ban」、「你都痴線，飲少杯慳錢最好」。Don 甚至由公司社交平台戶口轉用個人社交平台戶口，「我手寫我心」與網民討論及解釋背後技術。

「我自認係一個技術 L」

對於帖文惹網民反彈，Don 苦笑：「其實我係想畀啲環保知識大家，我諗係大家一肚怨氣，再加上香港經濟環境，對一啲嘢敢怒不敢言」。網民怒批：「唔使講喇！你一定係環保 L！」Don 反駁：「我唔係環保 L，環保 L 係叫你唔好用飲管，但我你畀個好啲嘅選擇你，我嘅紙飲管係想解決你個問題，其實我自認係一個技術 L」 。他無奈稱：「就算我係講技術，啲人都係鬧」。

Don 指現時已尋得更優勝的紙張供應商，會從越南輸入更優質原材料，「仲有更加競爭性嘅價錢」，希望將售價進一步減低。他又稱目前歐洲市場反應比香港更好，「呢個產品作為香港產品，已經係有信心打響全世界」，而他仍然一心希望將廠房搬回香港，「唔知有無機會可以工業化、返嚟香港搞」。他亦希望可以研發專為亞洲食品而設的紙器皿等餐飲用品，「裝到熱同油嘅嘢」，進一步方便香港人在「走塑」政策下用餐。