中佬成副身家研發 捱過疫情未言棄 目標在港做「最靚紙飲管」

Yahoo 新聞

【Yahoo 新聞報道】港人愛凍飲，午餐來一杯凍檸茶、凍奶茶，往往附上膠飲管一支，用完即棄。近年市面部份食肆轉用紙飲管，但一般用膠水黏合，回收時難以將膠質分離。香港紙飲管品牌「Soilable」研發用超聲波縫合紙飲管，配上環保塗層，質感像膠飲管般挺身，不會脫色更可直接回收。創辦人Don曾經為了這盤生意付出所有，捱過了疫情，現時仍未收支平衡，惟目標不變：「最靚嘅珍珠奶茶喺台灣，希望最靚嘅紙飲管喺香港搵到」。

文字記者：Carmen C.

攝影記者：Davies

Don過往從事家用化工行業，本身對不同塗層及塗料有相當認識。2018年網上瘋傳海龜慘被飲管塞鼻的相片，掀起熱議，令Don思考：「可唔可以用做紙杯嘅方法做飲管呢？」他遂創立「Soilable」紙飲管公司，首個產品在2019年4月份面世。現時「Soilable」的紙飲管款式包括標準飲管、珍珠奶茶飲管、咖啡攪拌棒及度身訂造設計的飲管，「希望用紙，做返一個膠飲管嘅感覺畀你」。

2018年網上瘋傳海龜遭飲管塞鼻的相片，令市民反思膠飲管造成的污染問題。（網上圖片）
2018年網上瘋傳海龜遭飲管塞鼻的相片，令市民反思膠飲管造成的污染問題。（網上圖片）
Don在2018年起研發環保紙飲管，希望以紙飲管造出膠飲管的感覺。
Don在2018年起研發環保紙飲管，希望以紙飲管造出膠飲管的感覺。
因為「飲管塞海龜鼻」的討論，令Don萌生製作環保紙飲管的念頭。
因為「飲管塞海龜鼻」的討論，令Don萌生製作環保紙飲管的念頭。

夠硬身呈尖頭 方便篤茶飲

一般紙飲管以三至五條紙條旋扭併合而成，再以膠水黏合。Don最初希望以製作紙杯的方法生產，把一張長方形的紙捲成管狀並黏合。其後再度改良，改為「捲蛋卷」方式，將紙繞兩圈，再以超聲波縫合，製成品不會像其他紙飲管般厚身，但硬度足夠之餘不失柔韌。他又改變飲管紙料形狀，捲起後呈「尖頭」，方便用家「篤開」茶飲。

透過改變飲管紙料形狀，研發出捲起後「尖頭」的紙飲管，方便用家利用紙飲管「篤開」茶飲。
透過改變飲管紙料形狀，研發出捲起後「尖頭」的紙飲管，方便用家利用紙飲管「篤開」茶飲。

Don續指，一般紙飲管「一濕水就會霉」，但「Soilable」把環保防水塗層塗在紙飲管內外，避免浸濕內裏紙料，「我唔話你聽佢係紙飲管，你完全唔會覺得佢係紙飲管」，一支飲管更可用上6小時，甚至「咬飲管嘅人都可以咬下」，他更笑言：「如果係我自己用，我一支飲筒仲會用幾日」。他亦透露有連鎖茶飲店試用其紙飲管時，「好suprise點解支飲筒擺喺度成日都仲用得」。

由於生產方法不同，「Soliable」紙飲管（左）較一般紙飲管（右）薄身，飲管切口亦沒有毛邊，提升飲用感受。
由於生產方法不同，「Soliable」紙飲管（左）較一般紙飲管（右）薄身，飲管切口亦沒有毛邊，提升飲用感受。

超聲波縫合無膠質 可直接回收

Don指市面上部份聲稱環保的紙飲品產品滲入膠質或用膠水黏合，用後無法回收。「Soilable」紙飲品的防水塗層是環保物料，「唔會有層膠」，具相當防水能力又可與一般紙張混合直接回收；產品又採FSC認證，保證紙材所用的木材料供應商並無濫墾濫伐森林。

環保防水塗層也能確保飲管不會因接觸液體而脫色。訪問當日Don帶同市面上一般黑色紙飲管作測試，分別用乾紙巾及噴上酒精的紙巾擦拭，結果一般紙飲管不論用乾紙巾及噴上酒精的紙巾擦拭均會「甩色」，而「Soilable」的黑色紙飲管則因為塗上環保防水塗層而沒有掉色。Don指一般紙飲管用上的油墨不應直接接觸食品，環保防水塗層就不會有此問題，「飲管成日浸喺嘢飲入面，食物安全一定要注意」。Don又坦言，相比一般紙飲管或傳統膠飲管，「Soilable」的紙飲管成本稍高，但不便透露具體成本，「有心用嘅客就唔會覺得貴」。

用噴上酒精的紙巾擦拭時，一般黑色紙飲管（右）會脫色。
用噴上酒精的紙巾擦拭時，一般黑色紙飲管（右）會脫色。

Don指環保相關行業「好睇政府有無呢方面嘅政策，去用呢啲產品」。最近「Soilable」紙飲管接下一宗500萬支大訂單，是來自加拿大的連鎖茶飲店。此訂單佔全公司總產量一半。全因去年12月加拿大推行禁塑令，即棄塑膠購物袋、餐具、餐盒、罐裝飲品的塑膠扣環、攪拌棒、飲管等均禁止製造及進口。但香港方面，基於成本考慮及未有相關立法，Don慨嘆本地市場不算大，「立到法先講啦」。

「壇嘢改變咗我人生，輸晒所有嘢」

人到中年，投身環保業做老闆，Don直言「我無諗過咁辛苦」，「捱呢壇嘢捱到瘦咗十公斤，壇嘢改變咗我人生，輸晒所有嘢」。他未有透露一共虧蝕多少，僅稱「諗起都驚」。現時公司尚未收支平衡，但他未言放棄，「呢壇嘢好似填海咁，你倒咗啲泥落去就無得返轉頭」。過去數年疫情重擊餐飲業界，直接影響其生意，「有次好心灰意冷喺街搵舖頭派飲管，但佢好快就落咗單」，Don口中的「佢」，就是位於元朗的咖啡店Sora。

咖啡店老闆：「呢款咬都ok」

Sora Cafe老闆Ian受訪時指，了解到膠飲管並不環保，一直尋求替代方案，「2019年用咗麥稈飲筒，不過好幼飲唔到沙冰，飲普通液體都會飲得好慢，加上好易爛；有人建議過粗管意粉，但浸一陣又係會爛，仲有試過蒲草飲筒，但質素都難保證啲」。直至遇上Don到店送贈試用裝，「一試就覺得好ok，好襟用又唔會霉，有好多客鍾意咬飲筒，呢款就咬都ok」，加上用飲管試飲沙冰效果亦相當理想，便決定取用，至今已有兩年。

Sora Cafe是其中一間訂餐「Soilable」紙飲管的餐廳。
Sora Cafe是其中一間訂餐「Soilable」紙飲管的餐廳。
去年Ian就向Don訂製印上Cafe標誌的客製化飲管、今年再轉用藍白色狗狗圖案設計。
去年Ian就向Don訂製印上Cafe標誌的客製化飲管、今年再轉用藍白色狗狗圖案設計。

「Soilable」的客戶包括小店和酒店。其紙飲管可度身訂造，顧客可自行設計飲管外貌，突出企業形象。去年Ian就訂製印上Cafe標誌的客製化飲管，今年再轉用藍白色設計，再印上狗狗圖案，不少顧客亦稱讚設計精美之餘，亦比坊間紙飲管好用。Ian亦會把顧客用過的紙飲管送往「Mil Mill」回收箱，並在店內放置宣傳品：「一支飲管已足夠再造成兩格紙巾」，宣揚環保理念，「影相靚，好用之餘又唔會做海龜殺手」。

Sora Cafe在店內放置宣傳品，指紙飲管用後會送往「Mil Mill」回收。
Sora Cafe在店內放置宣傳品，指紙飲管用後會送往「Mil Mill」回收。
Ian指過往曾試用多款環保飲管，但效果均未如理想。
Ian指過往曾試用多款環保飲管，但效果均未如理想。

當初Don接觸環保行業，了解聲稱光氧降解相關產品時發現「原來呃人嘅」，又有商家以偽冒測試報告欺騙消費者。Don做環保紙飲管的初心就是希望誠實向消費者提供選擇，「再寸啲講句，因為好多人老點你，而我唔可以老點你，係我嘅責任」。

「Soliable」紙飲管提供訂造服務，餐廳或酒店可自行設計飲管圖案。
「Soliable」紙飲管提供訂造服務，餐廳或酒店可自行設計飲管圖案。

盼疫情過後製作港產飲管

最初因成本及生產配套設施等因素，Don的製造廠設於東莞，「其實都想搬返個廠返香港」。由於口罩廠都需用超聲波，衞生與噪音等要求均與製造紙飲管相近，他希望疫情過後有機會與香港口罩廠合作，製作真正港產紙飲管，「最靚嘅珍珠奶茶喺台灣，希望最靚嘅紙飲管喺香港搵到。」

「Soilable」網址：https://www.soilable.com/

更多綠色新聞🌍資訊，即睇「Yahoo可持續發展」專頁！