《全民造星》Tank向女友方方求婚成功 圈中好友送祝福

舞蹈員方芷欣（方方）及男友梁德忠（Tank）分別先後參加ViuTV嘅《全民造星》，仲分別為對方喺比賽中伴舞，二人拍拖多年都表現恩愛，羨煞旁人。去到今日佢哋終於有好消息啦！Tank向方方求婚成功，並喺社交網站宣布喜訊，真係恭喜晒呀！

喺今日Tank於社交網站宣布喜訊，留言話：「我得咗啦🥳🥳 感謝my family ❤️ 感謝 神 ❤️ 感謝 未婚妻 ❤️ 我哋又創造咗永遠會記住嘅共同美好回憶 我愛你地」。喺相片中，方方眼泛淚光，戴上鑽戒及手持一束鮮花，而Tank就錫方方塊面。另外，Tank仲上載多張與方方及友人嘅大合照，友人包括MIRROR成員Anson Kong及商台前DJ麻利等等。

消息公佈後，唔少圈中好友及網民紛紛留言送上祝福，例如Anson Kong＠MIRROR：「恭喜 哥 嫂 要幸福 Family forever」、Frankie＠MIRROR：「恭喜恭喜」、Jeremy＠MIRROR：「恭喜 恭喜」、肥仔@ERROR：「wow」及謝安琪：「恭喜」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！