《成人教科書》蔡施齊神還原Edan小學朗誦比賽片段 網民：真係似喎

TVB綜藝節目《成人教科書》由洪永城（Tony）擔任主持，其中11歲嘅小六學生蔡施齊加入「男孩扮靚室」 ，並表示想扮靚變MIRROR成員Anson Lo，經過一番改造後竟然撞樣MIRROR另一成員Edan，最搞笑係連Edan本尊都覺得似。最近施齊獲連鎖米線店邀請拍攝宣傳片，神還原Edan讀小學時嘅朗誦比賽片段。

喺宣傳片中，施齊著上譚仔小學嘅校服，並朗誦出《米線》一詩，無論係動作抑或係抑揚頓挫嘅位置，佢都神還原到Edan小學參加朗誦比賽片段嘅技巧。除咗拍攝時現場人員大讚好似之外，唔少網民睇完影片後都紛紛留言大讚似足Edan，例如「好好笑」、「你大過一定會好靚仔」、「真係好似edan」、「朗誦似Edan」、「痴線，勁似edan」、「神還原 佢呢世都似唔到Anson Lo了」、「成個E先生咁款」及「真係似喎」等等。

施齊表示今次係佢第一次拍廣告，好多謝連鎖米線店俾機會之外，同時今次亦係人生一次好好嘅經驗。佢仲話自己細個都有參加過朗誦比賽，所以唔係太高難度，同時佢亦有睇Edan嗰條朗誦比賽片段作為參考。最後佢仲話自己好欣賞Edan哥哥，希望大個咗可以有佢而家傑出嘅成就。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！