「國民初戀」姚焯菲新曲MV仙氣十足 被網民指造型及構思與楊思琦舊作相似

·2 分鐘文章
姚焯菲新曲MV被指與楊思琦《愛的森林》MV相似
姚焯菲新曲MV被指與楊思琦《愛的森林》MV相似

無綫歌唱選秀節目《聲夢傳奇》成功捧紅三料冠軍炎明熹(Gigi)、「國民初戀」姚焯菲(Chantel)及鍾柔美(Yumi)等人,繼Gigi及Yumi後,Chantel亦推出個人單曲《原來談戀愛是這麼一回事》,成為第3位擁有solo歌曲嘅《聲夢》學員。

姚焯菲喺比賽中憑甜美歌聲演唱《戀愛預告》震撼全城,被封為「國民初戀」,節錄片段喺YouTube點擊人次已經破430萬,真係好犀利!而今次新歌《原來談戀愛是這麼一回事》MV已於10月29日首播,點撃率至今已經突破45萬,成績斐然。

唔少網民睇完MV後,紛紛留言覺得仙氣十足Chantel,更係一條可愛金魚,用視覺去感受了解一對情侶嘅戀愛方式,而且更話Chantel偷望對方一刻,與聲夢比賽時唱《戀愛預告》中其中一句歌詞「問他可知道」嘅回眸動作好夾!另外,亦有網民應該《原》曲任何人都可以唱,但能夠唱出如Chantel散發出嘅韻味,就只有Chantel一人做到,而且更用pH 5.5溫和呵護著幼嫩嘅心靈去形容Chantel唱歌嘅味道。

雖然Chantel嘅單曲大獲好評,不過有眼利嘅網發覺《原》曲MV無論衣著及構思與楊思琦2019年推出歌曲《愛的森林》十分相似!服裝上兩位都係白色仙女裙同袖口打扮,二人同樣穿著一字肩,只係楊思琦將左肩帶穿回肩上,而第二點最相似係大家嘅MV最後畫面;Chantel坐浮床在大海中漂浮,而楊思琦就躺床褥於海灘上浮游。唔知大家又覺得兩個MV似唔似呢?

姚焯菲
姚焯菲
姚焯菲
姚焯菲
楊思琦《愛的森林》MV 截圖
楊思琦《愛的森林》MV 截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能