「天氣先生」江偉傳逝世 相識20年好友貼舊照悼念：再見了

有「天氣先生」之稱嘅天文台高級科學主任江偉已有一段時間無喺早晨天氣節目報天氣，近日卻驚傳死訊。有名自稱與江偉相識逾20年嘅同學於社交平台表示剛出席完江偉嘅安息禮。

該名網民貼出多張與江偉嘅舊照，更留言回顧與江偉嘅校園事，表示二人由中學開始認識，至踏入社會工作後仍有保持聯絡：「江偉，中學時，我們一起參加歌唱比賽、一起當數學學會主副主席、我們一起讀書上課，還記得我們 Applied Maths ，『九男女』經常一起上課計數討論。我還很喜歡跟你比我們誰的數學成績好，誰能拆解那條數。」又指，江偉於A-Level時成績突飛猛進，二人一同考入中大物理系及MPhil物理哲學碩士，江偉更成為香港天文台高級科學主任和香港「雷達專家」。該網民更表示，江偉安息禮當日天文台做咗好好嘅預測：「掛三號風球，無掛八號，令大家都能順利來送別你最後一程」，佢續向江偉再次道別：「在安靜的安息禮上，聽到你女兒的大喊，作為一位剛生孩子的母親，眼淚真的完全停不下來。雖然我們不能代替你去照顧你的家人，但我們也會略儘綿力。希望你在天國安息。再見了，我們的天氣先生！」

江偉死訊傳出後，唔少網民都感到愕然，慨嘆人生無常，並紛紛到江偉由管理員管理嘅社交平台留言：「RIP」、「雖然不認識這位天氣先生，希望他一路走好」、「早晨節目再看不到他！」、「一路走好」等等。而天文台前台長岑智明早於9月中於個人Facebook專頁以黑底白字發文：「沉痛哀悼，痛失英才」，並標註一個疑為江偉個人Facbeook專頁。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！