「馬國明養女」24歲冼迪琦TVB童星出身 噴血寫真集預購名額火速售罄

TVB童星出身嘅24歲冼迪琦（小迪）樣子甜美又可愛，喺2018年參加日本最強女團AKB嘅越洋挑戰成功入選AKB嘅台灣分隊TPE48，深得網民喜愛。佢喺今年6月宣佈即將從TPE48畢業，上月更宣布將推出首本個人寫真集《在你心迪》，連日來佢已經喺社交網站出多個PO公開震撼眼球嘅封面及預覽圖，當中包括可愛、性感等照片，網民反應非常熱烈。小迪嘅寫真集喺噚日（3日）中午開始接受預購，所有名額已火速售罄。

冼迪琦首本個人寫真集《在你心迪》價錢為799台幣（大約197港幣），喺噚日（3日）中午至8月24號中午接受預購，而成功預購嘅人士可以喺8月26日出席喺台北舉行嘅新書發表簽名會，結果反應超級熱烈，預購名額喺數小時已經售完。

冼迪琦喺6歲參加《殘酷一叮》成為童星、之後亦出演過《蘭花刼》、《師奶兵團》、《律政新人王2》及《巨輪》等多部劇集，當中憑《律政新人王II》飾演馬國明養女而為人熟悉。除咗演戲之外，佢仲做過《放學ICU》的星級小主持。小迪喺19歲時成功入選AKB嘅台灣分隊TPE48，早前宣布即將從TPE48畢業，之後仲宣布推出寫真集。今次嘅寫真集除咗有清純造型之外，同時亦有唔少性感造型，淨係預覽圖已經睇到一班網民流晒鼻血。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！