【千金小姐唔憂嫁】37歲袁偉豪恨結婚 張寶兒﹕阿媽問我係咪要準備嫁妝

37歲的袁偉豪（Ben）與26歲的張寶兒(Bowie)拍拖兩年，Ben一早認定女友是終身伴侶。今日有周刊指Ben曾試探女友口風，問一句﹕「結婚囉！」，女友即答﹕「我跟你。」Ben更透露新年期間雙方互見家長，大家都有催婚，他亦不排除閃婚，或選海外註冊，令大家都好期待大台下一對有情人便是「Bowie & Ben」。

寶兒今日接受傳媒訪問時，坦言標題嚇親阿媽，她笑說﹕「剛才嚇親埋我阿媽呀，whatsapp問我係咪要幫我準備嫁妝。但大家冷靜少少，唔係嚇親我阿爸阿媽。」寶兒表示自己「唔心急」，她說﹕「佢(Ben)探口風啫，但呢啲嘢冇得探口風，佢問我答，佢唔係認真問，我咪唔認真答囉。其實我覺得呢樣嘢(求婚)係兩個人之間嘅事，要認真啲，兩個人嘅對話唔想畀全世界都知。」

不少大台小花，好似單文柔、陳凱琳等未夠30歲已成為人妻兼生小朋友，問到寶兒有沒有羨慕？她說﹕「每個人有自己嘅人生階段，我都戥佢哋開心。但每人有唔同節奏，我現在都幾好吖，我真係唔趕。明白大家好似追劇咁，想有咩進展，但我真係一個要循序漸進，慢慢嚟嘅一個人，可能大家好心急，但我唔心急呀！」

寶兒還叫大家千萬不要被Ben「呃到」，她笑說﹕「唔好以訛傳訛，未發生㗎！可能佢係想用狼來了呢招，係掩眼法，哈哈。」而Ben則回覆﹕「不是(結婚)，但有諗吓。」

Ben和寶兒於2016年在南非拍拖旅遊節目《打工捱世界II》，因為朝夕相對而撻着。二人拍拖一開始不被看好，除年齡相距10載，而寶兒更是富家女，其父張煌煌早年做成衣生意發跡，坐擁最少3億物業。但二人拍拖兩年一直都好恩愛，尤其寶兒被人「蝦」，Ben都會奮身保護女友。