【喜歡聖誕節】佳節前夕思念哥哥 唐唐貼聖誕樹下合照
張國榮(哥哥)離世不經不覺已經15年,仍有唔少哥哥迷,對佢未有忘記。至於哥哥嘅同性好友唐鶴德(唐唐),對哥哥更加未有忘懷。
喺平安夜前夕,今晚唐唐喺ig貼咗一張舊照,相中哥哥挨住唐唐坐喺聖誕樹前,兩人笑容一致,十分溫馨,而唐唐留言寫住︰「昔日聖誕,Merry Christmas。」有指唐唐仲沿用緊哥哥生前嘅手提電話號碼至今,可見唐唐對哥哥情深義重。
睇番舊年又係平安夜前夕,唐唐都有貼咗一張聖誕樹嘅相,佢當時留言寫住︰「N年前他親手裝飾的聖誕樹,他就是喜歡聖誕節,Merry Christmas。」原來哥哥好鍾意聖誕節,過往哥哥都為家中呢棵聖誕樹掛上裝飾,真係令人懷念。
其實唐唐自2013年開咗ig帳戶後,佢嘅post僅得30個,佢仲間中都有貼哥哥嘅舊相,仲要係同節日有關,如中秋節同生日,可見哥哥生前好重視每個節日。