【多咗個細佬】8歲Quintus越大越似老竇 栢芝：BB你係我嘅開心果

人逢喜事精神爽！張栢芝去年11月誕下第三胎「小王子」，名字叫張禮承，英文名為Marcus。早前「小王子」的出生登記曝光，BB生父身份仍是個謎，有指「小王子」滿月後不久，已秘密帶他往溫哥華，交給移居當地、栢芝的同母異父姊姊戴碧芝照顧。

而栢芝就繼續留在香港陪伴與謝霆鋒所生的兩個寶貝仔，11歲的Lucas和8歲Quintus。栢芝很注重健康，大年初一、初二和初四都叫兩個兒子陪她去行山，今日清晨，Lucas和Quintus睡眼惺忪陪媽咪出發行山，上到山已經精神晒，尤其是細仔Quintus，個性較活潑開朗，（口氹）得媽咪哈哈大笑。

栢芝以英文問兩個仔想行邊條路，指一條路可以看到馬騮，而另一條路Quintus搶答﹕「可以見到牛。」但栢芝笑指﹕「另一條路係見到你自己同你媽媽。」Quintus笑說﹕「我唔想見到你。」栢芝指「I show you the monkey」﹕「我會畀塊鏡你，咁你就會見到馬騮仔！」搞到Quintus沒好氣嗌﹕「救命呀！」栢芝反而好開心﹕「BB你係我嘅開心果！」之後，栢芝遇見牛群，由於戴住紅色帽，令她非常擔心牛會向她衝埋去，顯得戰戰兢兢。

其實Quintus樣子真是越大越似爸爸霆鋒，與霆鋒童年時相片比較，簡直100% match。反而哥哥Lucas較cool，年初一，媽咪叫他用國語介紹自己，Lucas都表現得怕怕醜醜，唔多願意上鏡。