【宣佈離婚22日】呂慧儀教囝囝要開心微笑﹕因為明白哭根本無用

今年的3月8日，《蘋果》獨家爆呂慧儀老公黃文廸出軌，在巴士上啜女被斷正。3月9日凌晨，呂慧儀與黃文廸即發共同聲明表示已於2018年變回朋友關係，承認已經離婚。

呂慧儀一直表現堅強，即使被昔日姊妹傅嘉莉翻舊賬，指她與黃文廸當年借「黑甲女」搏宣傳，呂慧儀都低調沒有回應，只是每日忙湊仔和拍處境劇《愛·回家之開心速遞》。

呂慧儀昨日在IG似有所指，雖然沒有指明為誰而哭，但卻叫自己要堅強面對一切。她留言：「微笑，因為明白哭根本無用。愛你的人不要你哭，傷你的人由得你哭，好心的人擔心你哭，壞心的人取笑你哭。#秘書這樣教老闆 #無論遇上甚麼事 #微笑帶過就好 #如果做得到 #一切都會好 #如果做不到 #哭一會就好 #staystrong #staypositive #stayalive #stayblessed #staybusy #cryingdoesnthelp #longlegcrabslife photo by @tong_ying_ying」。

呂慧儀直認希望過得更充實，她在IG Story留言﹕「唔小心瞓咗幾個鐘晏覺，又冇冚被，又未落妝，瞓醒頭都痛埋，我都係鍾意每日都忙，唔可以太得閒，太得閒我會驚我會病，我會覺得悶，#我要好充實#因為我唔想病」。唔少網民都叫呂慧儀「加油」，讚她和熊若水一樣咁堅強和樂觀：「迎難而上，呢個係我咁鍾意你嘅原因，希望你繼續用微笑感染大家。」