【對號請入座】「金錢買不到你的名譽」 陳冠希暗寸吳亦凡刷榜

韓國男團EXO前成員吳亦凡，上周五（2號）首張個人專輯《Antares》，由於專輯成績「太好」，推出後即登美國iTunes榜，撼贏美國小天后Ariana Grande及天后Lady GaGa，登美國iTunes榜首。

如此「驕人成績」，隨即引來美國網民關注，紛紛留言問誰是Kris Wu（吳亦凡）？有指吳亦凡嘅粉絲用不斷切換帳號購買、用機器人程式惡意刷榜等手段，令吳亦凡嘅歌曲登榜首，美國iTunes已將吳亦凡嘅新專輯數據全清除，歌曲全部跌到100名以外，Ariana Grande、Lady GaGa嘅歌曲亦重回榜首。（新聞連結：

http://bit.ly/2JN8Cqg

）

繼網傳Ariana經理人疑發文指摘吳亦凡作弊，自囡囡出世後，經常在社交網貼家庭照嘅陳冠希（Edison），似乎都有留意呢件事。今日佢忽然喺社交網留言寫：「MONEY CANT BUY U LOVE, MONEY CANT BUY U FAME, MONEY CANT BUY U CHARTS （金錢買不到你的愛情，金錢買不到你的名譽，金錢買不到你的榜）」

雖然，Edison未有提及呢番說話嘅用意，但已經有好多網民意會成佢講緊嘅就係吳亦凡，仲有人留言問吳亦凡敢唔敢來回一句話。不過，除咗吳亦凡嘅fans力撐偶像，其所屬嘅環球唱片噚日亦有回應，話吳亦凡嘅數位專輯及單曲仍然在榜，可於iTunes正常購買，仲話專輯推出後不實傳聞均屬詆毀誹謗，蓄意造謠者扭曲事實，對吳亦凡進行惡意攻擊，表示可能會追究相關人士嘅法律責任。