【逃稅風暴】原定九月與范冰冰成婚 李晨：認識錯誤，接受教訓，積極改正

大陸女星范冰冰被捲入稅務風波近4個月，期間傳聞不斷，最終於本月3號官方公佈結果，稱范冰冰需補繳稅款、滯納金及罰款共約8.8億人民幣（約10億港元），而范冰冰亦喺微博貼文公開道歉，稱「辜負了國家對我的培養。」

至於曾高調向范冰冰示愛及求婚嘅李晨，喺范冰冰消失嘅呢段時間一直都異常低調，對外界嘅一切傳言都置之不理，而一向撐范冰冰嘅佢喺嗰一段時間亦都冇任何動作或發言支持女友，直到噚日，李晨喺微博帖文寫道：「甭管多難，咱們一起渡過去。」有傳媒向李晨查問，佢回覆：「認識錯誤，接受教訓，積極改正。」

15年李晨於微博公開同范冰冰嘅合照，配文為「我們」公開兩人戀情，而喺上年范冰冰嘅生日，李晨向范永冰求婚成功，不過原定於今年九月舉行婚禮嘅佢哋受到今次事件影響而要更改日子。