上圍縮水 被當透明 Odilia「峰」頭被搶 險飛甩Bra

·2 分鐘文章
Odilia承認因壓力大而瘦了不少。
Odilia承認因壓力大而瘦了不少。

女子組合Bingo成員Odilia今夏首次下水禮,雖然她擁有42吋無敵長腿,但相比同船的女友人個個「胸狠」明顯失色,她承認:「我胸細到連個Bra都差啲飛甩埋!」

跳唱歌手Odilia(陳善渝)日前趁好天氣偕全女班遊船河,換上性感泳衣大解放。以擁有42吋長腿而自豪的她,跟身材「激凸」的女友人比較下,竟全程被當「透明」。她昨日受訪時表示:「我嗰日開Live做直播,啲男仔見到我啲女朋友就猛怨點解唔約埋佢哋一齊玩,完全冇理過我囉!」

問到她上圍是否縮水?她直認因之前參加《盛.舞者》比賽,整整1個月嚴重睡眠不足及壓力大所致:「晚晚忙到凌晨4、5點先瞓,要長時間練舞,又要構思啲表演環節,搞到見到飯都唔想食,依家得番110磅,連啲泳衣都鬆晒,影相時唔小心一跣,差啲連Bra都飛甩埋,好彩我綁得實!」

圖扭轉負評

談到在《盛》中只得第7名,她認為經歷比名次更重要,亦多謝無綫給予演出機會:「係好辛苦,但學到好多嘢,喺節目度我編咗一段畀自己展現美好身段嘅舞,希望網民鍾意,挽回之前嘅負評。」又說由參與《全民造星III》到《盛.舞者》,明白做藝人不可停步:「依家學緊演藝、上唱歌堂,做多啲片,希望各方面平均啲,畀大家睇到我有進步。」

Odilia
Odilia
Odilia長腿養眼,可惜開live時被女性友人搶「峰」頭。
Odilia長腿養眼,可惜開live時被女性友人搶「峰」頭。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能