不正常愛情研究所｜髮型師爆當紅男歌手疑戀上靚女髮型師 極大貼士揭男方身份震驚全場

無綫J2節目《不正常愛情研究所》由麥惠琪（Susuca）、文頌男（Koba）及3位J2ers 黃紫恩（Jojo）、陳國麟（Doniven）及胡敏芝（Karen）主持，昨日（19日）播出一集邀請到於金鐘髮型屋做嘢嘅專業髮型師Hikii作嘉賓，分享行內秘聞，佢就大爆有當紅男歌手疑與女髮型師日久生情，一班主持都感到嘩然。

Hikii為《不正常愛情研究所》「有故事的人」環節作嘉賓，分享有髮型師認識咗闊太後突然富貴，駕駛過百萬名車返工。Hikii被問到有否遇過藝人與髮型師相紙戀，佢就直言一定有，認為感情嘅嘢好難控制：「係女髮型師同男藝人」，又形容該髮型師於行內出名及係靚女，而男藝人就係近期當紅嘅男歌手。一班主持隨即追問男藝人身份，Hikii故弄玄虛一陣之後就講出：「兩個字」，震驚全場。

然而，「兩個字」嘅當紅男藝人唔多，加上姜濤於今年7月曾與御用女髮型師Lydia傳出緋聞，令人不禁懷疑Hikii所講嘅當事人會唔會就係佢。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！