事過境遷 陳冠希前度顏穎思陀第三胎身形依然Fit爆

顏穎思
顏穎思

顏穎思(Rachel)淨係講個名大家可能未必記得,佢就2008年與陳冠希泄露嘅不雅照事件嘅其中一位女主角,照片流出後Rachel已立刻承認與陳冠希只拍過親密照,並冇影任何不雅照片。

模特兒及演員出道嘅Rachel,2000年已經有份參演由陳木勝執導,陳冠希及馮德倫主演嘅動作電影《特警新人類2》。之後,Rachel接拍咗不同廣告及繼續擔任模特兒工作。不過2008年不雅照事件發生後,Rachel已經慢慢淡出娛樂圈,更手執課本重拾校園生活,喺城大修讀法律學士課程。

前幾年Rachel更開始信教,定時返教會,重新生活。2014年與同一間教會男朋友Matthew拉埋天窗,二人婚後翌年便育有一子。估唔到只隔5年,Rachel近期就被傳媒影到原來佢已經有兩個仔仔,一拖二仲腹大便便有個將會出世嘅BB。已為人母嘅Rachel,身形仍然纖瘦及臉尖尖,真係羨煞旁人!另外,Rachel喺街上與家人會合,當中更有曾經與劉愷威和孫耀威拍拖嘅家姐顏詠芝(Regine)。

眼見Rachel 及Regine而家嘅家庭幸福,真係好戥佢哋快樂!

顏穎思
顏穎思
顏穎思
顏穎思