今夏誓必潮聖 日本五大新事

下個月，日本正式進入瘋狂大減價，大家買定機票BOOK好酒店未？不過日本新事日日有，幾個月唔去，自覺Out咗，今次就會同大家介紹返今個暑假日本的新奇好玩事五大最新景點，貫徹香港人喪買喪食喪玩嘅特質！

【大阪】3大動漫齊集USJ

大阪環球影城繼3月推出全新「飛天翼龍過山車」後，今年7月1日至9月4日就會再次推出期間限定計劃 「Universal Jump Summer」，有港人都唔會陌生的3大動漫做主題，包括ONE PIECE、龍珠同死亡筆記，同上年一樣會繼續有《ONE PIECE》舞台劇，另外仲會有以全新CG卡通技術製作的悟空同菲利的激戰的4D電影，死亡筆記就以真實逃脫遊戲的形式推出。大阪環球影城愈黎愈多景點，今鋪真係買咗fast pass都未必玩得曬！

活動日期：2016年7月1日－9月4日

官方網頁：http://www.usj.co.jp/hk/jump/

【大阪】文青必到新名所

近年香港勁興文青風格，近期新開以時尚生活做概念的枚方 T-SITE就啱曬，被喻為全球最美書店之一的日本蔦屋書店，就係繼東京代官山同大阪梅田開設T-SITE後，今次就回到佢地的發源地－大阪枚方開設最大規模的分店，意義特別。枚方T-SITE同其他分店一樣，以蔦屋書店為中心，當中再有40間生活百貨，集結美食購物於一身，啱曬一家大細，定必成為大阪又一新地標。

「枚方 T-SITE」當中有40間生活百貨，集結美食購物於一身，並且是由被稱為全世界最美書店之一的日本蔦屋書店，擴充業務所管理，於大阪近郊的枚方市正式開業。

地址：大阪府枚方市岡東町 12-2
營業時間：7am - 1am
網址：http://real.tsite.jp/hirakata/

【東京】日本最大首間市區免稅店

一路以黎作為日本首都兼心臟地帶的東京，近年面對大阪的強勁攻勢下，終於作出反擊。俗語有云「鷸蚌相爭，漁人得利」，今年3月31日正式開張的Tokyu Plaza Ginza是日本最大首間市區免稅店，13層高，雲集125間日本國內外品牌，搶日本威士忌一流，行都行到腳軟！

頂樓兩層的餐廳和6樓日本職人雜貨專層，夠你又食又買。

相片來源: Zengame ＠flickr

地址：東京都中央區銀座5-2-1
營業時間： 商店11am-9pm、餐廳11am-11pm
網址：http://ginza.tokyu-plaza.com/ct/

【東京】池袋 Sunshine City翻新重開

池袋 Sunshine City 去年關閉，全面裝修一整年，於4月重開，集辦公樓、水族館、展望台和購物中心等為一體的綜合商業設施。焦點一定係「Sky Circus Sunshine 60」瞭望台，標榜是個「體感型暸望台」，尤如一個空中遊樂場，更設置大量互動玩意設施，如最新的虛擬實境科技與4D體驗，令你置身海拔251m，欣賞富士山和東京晴空塔等美景。

池袋 Sunshine City關閉一年翻新後係4月重開，翻新後必到境點當然係位於60樓的空中暸望台「Sky Circus Sunshine 60」。

地址：東京東池袋豐島區3-1-5
網址：http://www.sunshinecity.co.jp/chinese_t/

【富士山】 觀景特急歎甜品

全新的「富士山觀景特急」已經係4月尾開始行駛喇！列車有特別座同自由座，設計豪得黎又不失時尚感，更綴有不少藝術畫作。而逢星期六日有兩個班次，坐特別座的話仲會有由Highland Resort Hotel ＆ Spa 主廚橋本道郎先生主理的特色甜，而特別座只有26個，必須預約，所以記得要早啲book定喇，唔係去到又食唔到就唔抵喇！

全新車廂，好豪華的感覺呀，仲可以邊睇靚景邊品嘆高級主廚主理的甜品添！

路線：往來大月駅至河口湖駅
車資：4,000円（甜品專車特別座）
網址：http://www.fujikyu-railway.jp/fujisan-view-express

相片來源：lkazphoto ＠Tumblr