何猷君電競公司美國上市持股值7.6億 何超盈4歲女兒意外曝光

已故賭王何鴻燊同四太梁安琪嘅細仔何猷君發展電競事業多年，佢嘅電競公司星競威武集團（NIP Group）上周喺美國納斯達克(NASDAQ)交易所掛牌上市，成為首家在美上市中國電競企業，而何猷君更成為亞洲最年輕NASDAQ上市公司創辦人。

公司上市當然會有敲鐘儀式，當日何猷君同太太奚夢瑤一齊出席，二人更當眾咀嘴。而喺交易所外大屏幕更播出多張照片，其中一張係家姐何超盈抱住個小妹妹，而妹妹就搭住何猷君膊頭，仲舉起寫上Super Mario（Mario為何猷君英文名）嘅牌，似乎關係密切。有傳媒就指呢位妹妹可能就係何超盈嘅4歲囡囡。

除此之外，交易所外亦投放多張何猷君同父母、家人等合照，猷君更在IG發文感謝父母。

何猷君係NIP Group聯合創辦人及最大股東，持有14.2%的股份，2支分別來自瑞典同中國嘅電競隊伍都係NIP Group旗下並已經合併。NIP Group上市後股價一度大升近倍，至今稍為回軟，但以公司最新市值6.89億美元計算，何猷君手上持股值超過7.6億港元。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！