被爆同「朱凌凌」酒店度假 「美人魚港姐」 - 何泳芍相集
憑《愛.回家之開心速遞》「朱凌凌」一角成功入屋嘅吳偉豪日前就被爆為人花弗,溝女無數,更加鐘意約唔同嘅女星去酒店Staycation,而當中被爆其中一個有應約嘅女星就係「美人魚港姐」何泳芍。佢哋除咗被爆一齊Staycation之外,仲被發現曾經結伴行山,雖然兩人無分享合照,但何泳芍就曾經分享一張摸狗照,而相入面隻狗正正就係吳偉豪嘅愛犬。記者曾經聯絡兩位當事人,吳偉豪回覆「絕對冇咁嘅事,冇嘢回應。」;而何泳芍就選擇已讀不回。
現年26歲嘅何泳芍2018年參選香港小姐五強止步後加入無綫,不過發展就一般般,參演嘅劇集唔算多,而且都係戲份少嘅配角,到2019同2020年佢有機會參與《學是學非》同《3日2夜》後先開始多咗人識佢,不過之後有傳因為「樣貌不討好」而被高層嫌棄而退出《學是學非》。擁有健康膚色嘅佢原來除咗係藝人之外,仲係個徒手潛水教練,最近佢就有機會參與無綫新節目《野外步出》,出海釣墨魚,非常吸睛。