【充滿人情味又寫實】《跳躍生命線》劇情有教育意義獲網民讚賞

由馬德鐘、何廣沛及張曦雯主演嘅無綫台慶劇《跳躍生命線》已播出幾集，劇集係根據真人真事改編，近排播出嗰兩集仲好有教育意義添呀！

過往香港都有唔少市民喺颱風襲港期間去沙灘或者海邊睇浪，去感受颱風帶嚟嘅威力，結果出意外，甚至死亡。喺第5集就講到颱風襲港，但係仍然有市民唔理生命危險去睇浪同拍片呃like，結果受傷要救護員協助。另外，亦有僱主或工頭要求工人喺颱風下冒險工作，喺呢集就有工頭要求3位工人喺橫風橫雨嘅情況下高空工作，結果工人們喺高處墮下死亡。所以喺大風大雨及颱風襲港期間，大家都唔好去睇浪、要遠離岸邊及最好留喺室內嘅安全地方，唔好為自己同其他人帶嚟不必要嘅危險及傷痛。

第六集亦講述呂劍雄（張彥博飾）飼養咗11年既一齊陪伴生活同食飯嘅狗仔Coffee離逝，而且離逝時劍雄亦因為唔喺Coffee身邊陪伴在側，所以傷心不已。其實有經歷過寵物離逝嘅人都有過呢種感慨……

另外，第六集亦講到卓家傑（何廣沛飾）屋企疑似失火，因為擔心父親卓裘（李成昌飾）所以要離校回家。而劇中有一幕見到家傑嘅屋企所用嘅插座接駁住多個插頭使用，容易超出用電負荷，而引致火警。呢一幕，正正提醒觀眾切勿以身犯險，

唔少網民都大讚劇情寫實、有教育意義又煽情感人，仲笑話唔似係無綫製作添呀！