全民造星4｜梁祖堯被網民鬧偏心子涓：要偏唔好偏出面

ViuTV真人選秀節目《全民造星IV》已經喺星期一（1日）首播，邀請鄭融、朱栢康及當奴（唐劍康）擔任評判，首輪比賽同以往賽制唔同，一對一形式進行，勝出嘅參賽者就可以進入60強。噚晚就繼續首輪比賽，一開始就由上屆參加過嘅子涓對陳祖，導師梁祖堯知道子涓比賽時，即刻打電話畀上屆子涓的導節林二汶，話打算將子涓交俾許廷鏗，之後仲話如果子涓贏咗而許廷鏗冇即時按燈將會嬲佢。雖然梁祖堯係上屆A組嘅爸爸，不過唔少網民就認為佢偏心，紛紛留言表示不滿。

被視為今屆超班馬嘅子涓，首輪比賽表演跳唱《@princejoyce》，落力演出得到評判及花姐等人讚賞，結果以三盞燈成功揮低表演唱歌《做人一定要養貓》 嘅陳祖，並獲得許廷鏗即時按燈招入團隊。

• 即睇【MIRROR成軍三週年專題】，重溫MIRROR精彩時刻及最新動態！

唔少網民睇完呢集都認為梁祖堯偏心，紛紛留言話「要偏唔好偏出面，要偏出面就唔好做評判導師」、「重點係迫許生要囉 對陳祖唔公平」、「阿祖當自己係邊個」、「一播子涓即刻覺得梁祖堯好煩」、「重乜迫阿佛要子涓」、「仲喺度講感情，呢啲真係好嬲」、「有冇尊重過陳祖呀梁祖堯你」及「梁祖堯開到聲力撐 有啲唔公平咁囉」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！