全球變態司機逐個捉

Uber嘅出現，唔單止方便大家日常返工放工，去旅行個陣咩都唔洗講，司機便會跟據導航帶你去目的地，唔怕雞同鴨講，或找錯假貨幣。不過對於呢類非的士的call車服務，仍存在安全問題，好似有名天津女乘坐有「國產Uber」之稱的「滴滴出行」，司機不僅兜路同刻意講女性話題，開車期間更只係用一條短褲隨意遮住大腿，連底底都無著，相信係真空駕駛，事後apps公司只比10蚊人仔作補償。

其實呢類變態司機屢見不少，亦不時有人投訴司機兜路、唔熟路等問題，雖然的士司機都唔好得好多，但呢類call車app仍存有法律灰色地帶，相關監管及配套措施不足嘅問題，大家都應該小心小心，提高警覺。

瘋狂槍手司機

美國密西根州一名Uber司機7小時內槍殺8人，佢一路犯案一路接客，隨機去到三個不同地方瘋狂開槍。原來事前已有一名乘客係fb Po文話呢名司機非常狂躁，係市區以每小時130公里嘅速度狂飆，即使乘客要求佢開慢一點也置之不理。

開車手淫

海南海口市四名女高中生，乘坐一輛「滴滴」專車前往觀瀾湖電影公社期間，發現司機開車後不久，竟開始「用手抓下體」，女生其後更發現他正在自慰。

持刀劫殺

深圳一名24歲女教師用「滴滴」返回學校，司機將車輛開至偏僻路段，持刀逼女事主交出身上財物，隨後將她殺害。原來嫌犯用真實資料在平台註冊並通過審核，但涉案時車輛牌照係臨時偽造。

揸車變溝女

台灣妙齡女子晚上搭Uber回家，司機反覆問佢屋企係邊，又立即邀請佢去café飲咖啡，即使落車後，更透過uber用戶名追蹤事主嘅facebook，讓她覺得很不安。

相片來源：網上圖片