雅虎香港新聞 
【再創世紀】大台御用中風者！ 潘志文 4年內第4度「中風」
無綫今晚開播嘅新劇《再創世紀》除咗一眾男女主角外，仲有一位好戲之人值得留意，佢就係「大台御用中風者」潘志文！今次佢喺《再創世紀》中又再「中風」，唔講唔知，原來佢已經喺4年內「中風」第4次！
撰文：東方新地｜圖片：新傳媒圖片庫
延伸閱讀：
（有片）《延禧攻略》爆笑NG片曝光！佘詩曼雙語讀對白，一招K.O內地演員！
潘志文 演周勵淇父親
除咗24小時死5次嘅「御用被死者」羅樂林同「御用人質」宣萱外，潘志文亦因為成為無綫「御用中風者」而為觀眾熟悉，今次在《再創世紀》中，佢飾演周勵淇父親、香港四大首富之一「卓啟堂」，因受兩子車禍慘死剌激而心臟病發中風癱瘓。
周勵淇因為父親中風及兩兄去世，而要放棄舞蹈事業，替父親回到集團主持大局。
4年4次「中風」
其實現年68歲的潘志文已經係4年內第4次「中風」，之前三次分別係2015年《以和為貴》、2016年《EU超時任務》及《幕後玩家》。
在《EU超時任務》裡潘志文飾演袁偉豪爸爸，最後結局同樣是中風收場。
在《幕後玩家》潘志文飾演富商顧復生，第三度演中風。
不同於以往潘志文演繹「中風者」時歪嘴兼臉容扭曲的演技，今次《再創世紀》潘志文就用痛苦表情去演繹中風時「有口難言」的惶恐和無奈。
潘志文做過咁多次「中風者」，難怪網民都搞笑話：「從一開始播劇大家已經等佢中風！」
同場加映：24小時死五次 羅樂林：要我點死就點死！
無線「綠葉王」羅樂林演出劇集無數，真係朝見口晚見面。早年有心水清巴打髮現羅樂林喺廿四個鍾内喺五個唔同時段嘅劇集死咗，更以「羅樂林24小時死了五次 TVB好殘忍」開帖，帖一出即成熱話，有人留言請佢「R.I.P.」(安息)，亦有網民問羅樂林係咪收咗五封利市？TVB見網友反應熱烈，即刻訪問佢點睇一日死五次，羅樂林自嘲電腦白癡，呢單嘢佢個女都有話佢知，仲爲此唔開心，不過羅樂林話：「做戲啫！有乜所謂呀！我哋接到乜劇要我哋點死就點死！要我哋瞓棺材、冚埋棺材蓋都冇所謂，其實拍戲之嘛！又唔係真，所以阿女唔好唔開心，最緊要做好我自己嘅工作！」勁專業！
羅樂林話由邵氏到依家出道年，大大話話死超過一百次，而佢每次拍死戲會有利是收，不過就唔多，一蚊或者五毫。
【延禧攻略】原班人馬開新劇！《皓鑭傳》邊個冇得留低？
有情有義 情路坎坷！邵美琪 靚足33年
【港姐2018】港姐踏入45年！細數10項歷屆冠軍之最
【再創世紀】周柏豪靠鼻哥窿搶鏡？ 網民：睇到好尷尬！
【再創世紀】女主角鬥喊功 鍾嘉欣、楊怡、周勵淇邊個最慘？
【延禧攻略】光頭定有頭髮靚仔啲？盤點《延禧》三位小鮮肉chok爆對比照
延伸閱讀：
