列強盡出球星 難谷波衫銷情

4年一度的世界盃決賽周今晚深夜開鑼，球迷是時候入手心儀波衫。惟今屆賽事首度於冬季舉行，有別於歷屆慣常於夏季開波，有波衫舖指銷情較為慢熱，加上市道不景氣，料世界盃生意額較上屆跌兩成。而球迷消費模式亦稍為轉變，以往慣常到門市揀衫兼觀賞燙字過程，疫情下更多人偏向上網買衫，帶動網購在整體生意佔比由以往一成增至三成。

NO.7 SOCCER店長林民俊自2005年起賣球衫，計及今年已有5屆世界盃經驗。他指過往歐洲主流聯賽煞科，相隔一個多月世界盃才揭幕，球迷「餓波」肯定投入賽事。反觀，各大聯賽現處於季中，球迷專注心儀球隊表現，世界盃氣氛難免淡靜。其次，新冠疫情未過，經濟麻麻，球迷消費亦較為「手緊」，「以往一個人可能買幾件波衫，今年就少咗」，因此入貨亦較謹慎。

林民俊續稱，上屆俄羅斯世界盃銷情是歷年最佳，賽事期內營業額接近7位數字。相比之下，他對今年銷情並不樂觀，可能打個八折。

防疫辣招恐礙睇波氣氛

另一間波衫舖Ball3shop老闆阿樂也稱，夏天向來是波衫淡季，事關聯賽剛結束，各球會未開賣新波衫，而舉辦世界盃、歐國盃等大型國家隊賽事，則有利波衫銷情。對於今屆銷情偏慢熱，他有信心各支國家隊陸續公布名單及號碼，如巴西隊，相關查詢隨即增多，生意可望與上屆持平。

不過，新冠疫情未過，本地防疫措施尚未完全解禁，兩位波衫舖負責人同樣嘆過去3年難捱。阿樂指禁晚市堂食期間，生意曾暴跌一半，僅僅夠交租。疫下球迷三五知己想波聚，普遍會預訂酒店房間，而非外出。有見今屆不少賽事在本港時間晚上6至11時開波，若進一步放寬防疫辣招，相信能鼓勵更多球迷外出睇波，刺激經濟。

門市網店 生意佔比拉近

林民俊憶述，疫情初期市民不敢外出，生意亦下滑三成，頹勢更維持近半年。不過，疫情加快推動網購，球迷亦逐漸適應，「以前門市佔整體生意九成，而今實體店、網店生意比例可能係7比3。」近月生意稍好轉，較疫情前正常水平只少5至15%。記者謝進亨