前J2主持文頌男病逝舉行喪禮 家姐分享Koba生前對話「家姐愛你」

前J2節目《不正常愛情研究所》主持文頌男（Koba，原名陳文男）去年發現患上罕見病「尤文氏肉瘤」，但病情一度反覆，到上月中Koba因情況惡化而離世，終年29歲。

文頌男生前曾為網絡平台「閃芒」演出，而「閃芒」於Koba逝世後發訃聞悼念，並表示尊重文頌男的遺願，身後事宜一切從簡，不會安排任何公開的追思會或喪禮。而Koba家人亦已表示會低調處理文頌男身後事，未有公布喪禮舉行的日子。

文頌男任職健身教練嘅家姐Hilary，喺佢IG限時動態上載獻給細佬嘅花牌，由白色鮮花砌成心形，中間插有多朵淺紫色玫瑰。Hilary另外分享一張兩隻手握住嘅黑白照，相信係攝於Koba病榻上。Hillary亦寫上佢同細佬嘅對話，Hillary問Koba「仲有咩想同我講」，Koba只係搖頭但用手指比心，Hillary另外寫道「家姐愛你」，令人神傷。

文頌男生前曾於訪問提到，佢12歲時爸爸因為菲律賓情婦而拋棄一家人仲留低好大筆債，媽媽幾經辛苦獨力湊大Koba同Hilary兩姊弟，Koba生性完成大學課程並投身幕前一圓心願，但Koba患癌後無收入，Koba媽要做通宵清潔工以照顧兒子。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！