廉政行動2024｜林凱恩陳星妤素顏真面目意外曝光 網民：都係靚女

台慶劇《廉政行動2024》，搵嚟陳山聰、張曦雯、羅子溢、鄭則仕、蔡潔、鄭俊弘、林凱恩（Iris）及陳星妤（Yvette）等人主演，陣容鼎盛！TVB小花林凱恩及陳星妤喺參選2015年度及2021年度香港小姐後入行，分別以劇集《愛·回家之開心速遞》「Bonnie」和《一舞傾城》「KK」而人氣急升；而佢哋今次喺《廉政行動2024》飾演助理調查主任，早前TVB喺社交網站分享拍攝花絮，竟令二人素顏真面目意外曝光。

喺早前TVB釋出嘅《廉政行動2024》拍攝花絮中，分享咗林凱恩及陳星妤拍劇前嘅開會細節，二人均著上便服及以素顏示人，雖然佢哋個樣冇化咗妝咁Sharp醒，不過依然五官端正及皮膚狀態不俗，之後膚色有啲黃同埋面上有啲油光。雖然有網民指佢哋年紀輕輕就已經面黃，不過都有唔少網民大讚佢哋妝前妝後差別唔大及 都係靚女一名。

32歲嘅林凱恩，2015年參選香港小姐競選勇奪友誼小姐，隨即加入TVB，憑處境劇《愛·回家之開心速遞》譚育英Bonnie一角漸為人所認識，2020年出演《降魔的2.0》孕婦Ling一角，更被觀眾激讚演技大躍進。佢本來係上位小花之一，但前年有傳林凱恩扭計唔續約，因而被調去主持《流行都市》及於古裝賀歲喜劇《黃金萬両》中連角色名都無，慘變茄喱啡。上年佢喺《隱形戰隊》造型多變，由學生妹、侍應到性感造型都有，角色相當有發揮，內心戲連場，被網民大讚演技有進步。

29歲嘅陳星妤，2021年以「陳聖瑜」名字參選香港小姐競選入行，當年先後被指撞樣多位明星，被譽為「理大吳千語」及「翻版方媛」，入行之後參與《男神廚房》及《破解讀心理》等綜藝節目，又被安排主持《吃貨橫掃曼谷》，泳衣上陣加埋嬉水、出浴等鏡頭令陳星妤人氣急升。上年佢憑《一舞傾城》中飾演「萬國城最後一個處女」江潔兒（KK）一角，獲得網民關注。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！