劉德華抖音直播叫座力驚人 期間自爆結婚唔擺酒原因

最近越嚟越多香港藝人進軍抖音市場，當中包括一直未有開設社交平台嘅天王劉德華。佢喺上月27日終於開設抖音帳戶，內地網民反應極熱烈，短短幾日就已經吸引超過半億粉絲。頻頻上載短片嘅劉德華，日前喺抖音進行首次直播，期間更自爆與太太朱麗倩結婚時唔擺酒嘅原因。

日前華仔為內地電影《人潮洶湧》喺抖音開直播，叫座力驚人嘅佢成功吸引過千萬人觀看，去到最後觀看人數更高達3200萬人。喺直播中，身穿橫間毛衣嘅華仔，除咗唱出歌曲《17歲》此外，不時與網民大玩有問必答，十分親民和友善，而一班網民亦非常豪爽，不停向華仔狂送禮物，例如價值3000元嘅嘉年華及2888元嘅夢幻城堡。

期間有網民問佢有5千萬粉絲，點解佢冇一個關注，華仔就笑住回答話：「所有都是朋友，我想了很久要不要開始關注，我透過鏡頭跟所有朋友說，其實我都想關注你，但我怕忘了，中間漏了一個，我結婚不擺酒就是這個原因。」華仔一向都甚少談論及非常低調處理家庭事，今次佢竟然自爆結婚唔擺酒原因，唔少網民都覺得好意外。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！