雅虎香港新聞 
勁過八號波 林泳淘逼爆背心嚇窒訓練員
TVB年年選港姐，除咗冠亞季三甲外，每年都有唔少落選港姐加入大台，不過多數在劇集中做一啲唔起眼的配角，又或者做節目主持等。但大台收視每況愈下，一班名氣不大但身材勁爆的姐仔就大派用場，晒下身材吸觀眾，好似張秀文、朱智賢及陳偉琪等… 仲有林泳淘(Wingto)！話說手機遊戲Pokémon GO瘋魔全港，《東張西望》早兩日就派咗女主持之一的Wingto，在八號風球下去公園採訪一班「小精靈訓練員」。不過當日比卡超同妮妲都要行埋一邊，因為所有觀眾對眼都集中在Wingto… 件背心度！
續下頁
延伸閱讀︰
《城寨英雄》學生妹搶鏡 包包面林穎彤真身
多圖！ 雞扒妹寫真完全睇
當日正懸掛八號風球，不過都無阻一班訓練員冒着強風落街捉小精靈，Wingto當然要上前問個究竟。但唔少觀眾同小編一樣，耳朵完全聽唔到對話內容，對眼只係望住Wingto！
無計啦，Wingto呢日着住件白色緊身小背心，將其32D身材表露無遺，雖然睇唔到事業線，不過就有種逼爆的感覺，好洶湧！呢班哥哥仔雖然冒着八號風球，不過可以近距離欣賞到另一種「球」，抵番晒啦！
Wingto事後接受訪問，佢話當日落田採訪時本來着裙，但因為打風怕有危險，所以加穿公司長風褸同改穿牛仔褲。之後又突然要去採訪訓練員，喺街做到身水身汗，所以先迫於無奈除剩件打底衫。佢仲話自己之前都着過，可能今次打風所以特別多人留意！
大家會唔會諗緊呢位索女喺邊度出嚟呢？其實Wingto於2012年曾參選港姐，睇番該屆的確係索女如雲，除了三甲張名雅、黃心穎及朱千雪，仲有湯洛雯、岑杏賢及陳潔玲等，難怪Wingto未能突圍而出！
有好身材就唔怕露，Wingto在《三日兩夜》、《超強選擇1分鐘》等節目中都以三點式上陣，大騷逼爆上圍，睇到你窒息！
雖然上節目就好噴血，但平時Wingto出外訪問都唔係着得特別性感，事業線頭都見唔到，不過衣服剪裁夠晒貼身，令其32D上圍加22吋小蠻腰相當突出，有非常立體的視覺效果！
其實唔係下下都露好多肉先叫性感，好似Wingto咁封得密密實實，但又可以成功突顯上圍，別有一番味道！
當然如果有多啲肉睇，小編絕對唔介意！
