【區選打大佬】 盧俊宇形容何君堯「人渣」 蔣靖雯:只為狙擊何君堯

【曾港深、周滿鏗聯合訪攝】

屯門樂翠選區的現任區議員何君堯低調報名角逐連位,夠膽與何君堯「拗手瓜」的人,今屆有兩位,分別是民主黨的盧俊宇及無政黨背景的蔣靖雯。

37歲的盧俊宇,在屯門區成長,現為民主黨社區主任。1999年於保良局百周年李兆忠紀念中學完成預科課程,2005年香港中文大學經濟系學士畢業,現時正修讀香港大學法律系碩士課程,2018年1月加入民主黨,上屆區選曾為民主黨陳樹英出選兆康區作助選團,現主要於屯門樂翠區服務。

【區選打大佬】何君堯:呢一刻,我冇信心攞到2600票 每一票都要乞求返嚟

正面挑戰建制派何君堯的盧俊宇,認為樂翠社區需要作出改變,所以決定為社區挺身而出,他憶述樂翠的街坊對他講過的說話:「希望2020年嘅1月1號,唔會再見到何君堯出現係呢一區。」

盧俊宇又以兩字形容對方:「人渣」。他認為何君堯的言行舉止,任何一方面都與其執業大律師的身分非常不相符,更枉論是立法會議員。他說:「你睇吓佢平時講嗰啲嘢,又叫人食洋腸,又叫人自慰,呢啲說話點可能由一個尊貴嘅立法會議員口中講出嚟?唔係人渣係啲咩?佢最近都俾英國嘅大學令佢變成前榮譽博士啦。仲有721單嘢,我唔夠膽講係佢指使D白衣人去打人,但係我親眼見到佢當日係元朗鳳攸南街出現,呢樣嘢任佢點解釋,都冇可能解釋到。」

盧俊宇憶述,721當日,他在鳳攸南街一帶見過何君堯和白衣人握手。無差別襲擊事件發生後,他與立法會議員尹兆堅等人到元朗警署報案,指控何君堯涉嫌公職人員行為失當及煽惑他人行使暴力。對於警方目前只拘捕34人,當中只有6人被落案檢控暴動罪感到痛心,質疑為何只有少數施襲者被補,而4個多月來卻有無數市民和年輕人無辜受傷。

盧俊宇又提到自從他宣佈參選樂翠選區後,3星期前便開始發現遭不明人士跟蹤。當時他正在出門上班,當行經元朗的YOHO MALL,發現有兩名黑衣蒙面男士形跡可疑,於是他不斷在商場來回行走,發現該兩名男子仍繼續跟蹤他。礙於行政程序繁複,當時他未有報警備案。上月有一次與8至10名義工擺街站,一名男子突然衝出來襲擊一名義工,多番強扯其上衣、大聲呼喝和拳打腳踢,歷時至少一分鐘。幸好最後由其他人及時阻止,該義工未有大礙,但眾人精神上已受困擾,該名行兇男子最後逃去無蹤。盧俊宇說,當時他已即時報警,惟警方半小時後仍未出現。

早前他又再次受到騷擾,上兩周接獲一通沒有來電顯示的電話,他以為街坊來電接聽,豈料竟是死亡恐嚇電話。來電男子先詢問他是否盧俊宇本人,之後就恐嚇他說:「記住小心啲!唔好參選,即刻退選!如果唔係出街就有危險!」盧俊宇直言當時因受驚而立即掛線,但該名男子再來電至少8至9次,他再無接聽。  

報稱無政黨背景的蔣靖雯趕搭尾班車報名加入樂翠選區混戰,有人質疑她是建制派派出來𠝹票。26歲任職美容師的蔣靖雯,否認𠝹票的指控,自稱是為了狙擊何君堯而參選。

她說:「其實因為見到何君堯嘅言論比較令人乞人憎,同埋佢好侮辱女性。我同幾個朋友商量過,話要出嚟參選,狙擊何君堯,就係因為佢係呢區,我先可以狙擊到佢。」她直言:「佢嘅言論過火呢,就係人都知嫁喇,佢係侮辱女性,亦都係全港人都知,我喺鏡頭前面唔係幾敢講啦,但我會覺得佢係比較唔經大腦講嘢。」

她補充,除了狙擊何君堯,其實她亦留意到警方及政府正在逃避責任。「其實我覺得今屆嘅選舉氣氛同以往係有啲唔同嘅,咁民主黨係有佢嘅政治背景同往跡,大家都知。但好多人係唔鍾意建制又唔鍾意泛民,我係想吸納兩邊都唔鍾意嘅人嘅票,而我並唔係出嚟要𠝹票。」

蔣靖雯在截止前最後一天才報名參選,她解釋:「其實我一路都係度攞緊提名,但係我始終係冇任何黨派背景嘅候選人,我唔會一下子就有好多提名票,我係要落區去向每一個街坊去攞提名票,咁啱去到最後嗰日先攞齊提名票,咁我攞完咪去報名囉。」


觀看原文: 按此連結

你可能還想看