【又一北上成功例子】《三十而已》飾演渣男爆紅 馬志威微博粉絲超過2百萬

·1 分鐘文章
馬志威
馬志威

內地市場龐大,吸引唔少香港藝人北上發展,當中有唔少藝人成功爆紅,將其演藝事業推上高峰。出道8年嘅馬志威(Edward)喺上年憑《荷里活有個大老千》「螳螂」一角人氣急升,早前接拍內地劇集《三十而已》,劇集播出後爆紅,現時微博粉絲超過2百萬,認真犀利呀!

現年35歲嘅馬志威,中學畢業後就做速遞員。直至27歲嗰年,佢選擇裸辭加入娛樂圈成為模特兒和演員。入行後,佢拍過唔少廣告、MV及電影,直至上年憑無綫劇集《荷里活有個大老千》飾演冷血又貪心嘅反骨仔「螳螂」,成功獲得網民關注。至於《三十而已》,佢喺劇中飾演多情有錢人梁正賢,喺郵輪認識王曼妮(江疏影飾)後,即出盡法寶追求佢,但又唔肯確認大家嘅關係。馬志威成功演繹「海王」(漁翁撒網式溝女嘅渣男)角色,雖然角色形象唔討好,不過令到內地網民印象深刻,有內地網站更列出今年頭十位最討人厭嘅劇集角色,而梁正賢就成功躋身第四位。馬志威喺內地爆紅,除咗拍劇之外,早前佢更現身綜藝節目《演員請就位》第二季當助演嘉賓及出席時裝品牌活動。

馬志威
馬志威
《荷里活有個大老千》劇照
《荷里活有個大老千》劇照
馬志威
馬志威
馬志威
馬志威
馬志威
馬志威
《三十而已》
《三十而已》
《三十而已》
《三十而已》

【相關搜尋】馬志威資料

【相關搜尋】高海寧內地人氣急升