雅虎香港新聞 Yahoo Travel HK
台網民選「去過必定分手」景點之冠：「3次都分了。」
台灣文青風極盛，連帶台灣年輕人好似都特別浪漫有感，景點亦充滿文藝氣質，要拍拖的話真係唔愁無地方去。講起拍拖，大家都知逢係靚景，基本上都好煞食，女朋友一定最冧，影相打咭放閃係指點動作；不過近日台灣某論壇就有人出Post，選出最有「分手魔咒」嘅景點，而大部分人都一致認同，係以最美夜景作賣點嘅南投八卦山上星月天空！
【立即讚好】全新 Yahoo 旅遊 Facebook 專頁
Yahoo 旅遊以���新樣貌登場，Facebook 專頁當然同時煥然一新！立即讚好，每日睇盡旅遊新資訊！
星月天空位於南投八卦山之峰，距離市中心15分車程可以到達猴探井風景區，為一已經發展多年嘅自然生態保育區，通過山路再上，就會到達星月天空，呢度係一個集餐廳、觀景台、天空橋等景點於一身嘅園區，尤其晚上，停車場幾乎全部都泊滿私家車，大家都會喺上面嘅餐廳度食飯，無他，可以遠眺整個南投嘅夜景，因此雖然收費係唔平，仍然有價有市！有景、有美食、有氣氛，當然成為唔少情侣約會地點，但偏偏好多人都話有魔咒「去過必分」，有人話： 「曾帶3任女友去，都過不到一星期後就分手。」「我跟我前男友去，之後也分了。」仲話如果邊對情侣自問命硬就可以去試下喎！
星月天空環境氣氛都一流，偏偏被人形容有魔咒。
現場還不時請來Live Band或街頭唱作人獻唱。
加上燈塔等場景，即時求婚都唔錯！
相關文章：
伸延搜尋：旅行分手危機
