向佐為演男一及兼任製片人拒演《九龍城寨之圍城》 坦言唔後悔 網民笑指：多謝你冇拍

早幾個月上映嘅電影《九龍城寨之圍城》贏盡口碑及票房大賣，香港和內地票房高收近8億人民幣，劉俊謙、張文傑、胡子彤和林峯「城寨四子」更火速爆紅。不過，原來向佐當初亦有機會出演電影？

電影《九龍城寨之圍城》改編自余兒原著小說《九龍城寨》，斥資3億元鉅製，電影場景幾乎真實還原八十年代嘅九龍城寨，演員包括古天樂、伍允龍、洪金寶、劉俊謙、張文傑飾、胡子彤和林峯等人。然而，向佐接受內地傳媒訪問期間，透露導演鄭保瑞一開始曾搵過佢參與《九龍城寨之圍城》拍攝，不過因需要拍另一部電影《門前寶地》推卻。向佐於電影《門前寶地》擔任男一及製片人，與安志杰有多場武打戲，更與老婆郭碧婷飾演一對對抗情侶，為二人婚後首部合作作品，不過票房表現慘不忍睹。對比《九龍城寨之圍城》票房高企，向佐被問到有否後悔，佢就直言無後悔：「其實我為了這部片子（《門前寶地》），我推了《九龍城寨之圍城》，鄭保瑞是我很好的兄弟，他第一個找我去演《九龍城寨之圍城》，但現在它的成績我沒有後悔，因為我拍了《門前寶地》我真沒有後悔。」

不過，唔少網民都表示諗唔到向佐可以喺《九龍城寨之圍城》演咩角色，有網民就估係「十二少」、「四仔」、「王九」，仲指好彩佢無拍到，留言：「有拍就唔係咁既成果，之前唔記得睇邊個話佢拍咩死咩」、「多謝你冇拍」、「九龍城寨成功最大功臣，靠一人之力救起成套戲」、「真心好彩佢無做」、「王晶可以開套，少年龍五或者龍五前傳比佢」、「嗯！觀眾都唔後悔」、「好彩佢無做 ，否則我唔會睇呢套戲」等等。另外，有網民大彈《門前寶地》，表示唔怪得票房差：「好奇search下佢套係咩戲，睇見trailer第一個shot已經笑出聲，啲cg仲差過20年前嘅《功夫》」、「睇咗冇一半已經頂唔順，打到好似中學生玩舞台劇咁，尷尬到」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！