吳卓羲唔講「女友」 被兄弟玩謝

吳卓羲被張建聲及黃德斌夾擊,冇晒符!
吳卓羲被張建聲及黃德斌夾擊,冇晒符!

日前吳卓羲(Ron)、張建聲及黃德斌齊為電影《逃獄兄弟3》宣傳,張建聲稱全男班拍戲特別開心:「唔使囉唆就埋位,唔好阻住啲人返屋企做自己嘢嘛。」問Ron拍戲可有阻住拍拖?他強調:「冇喎,我開緊第二組戲,自己分配到時間。(感情明朗化?)我冇講,分配到親情同阿媽食飯。(女友呢?)唔講呢啲啦!」似「剝花生」的張建聲及黃德斌,突然雙雙彈開,令Ron大叫:「做乜啫,你哋?」張建聲就「踩多腳」說:「畀個單頭你呀師兄,我哋好識走位。」並謂絕不過問Ron私人事。

問到菊梓喬(Hana)可有探班?黃德斌先說不知誰是Ron的緋聞女友,得知是Hana時,又望住Ron說:「等你Confirm囉。」張建聲忍不住寸Ron:「師兄你都玩得人多啦,要唔要幫你解圍呀?」Ron婉拒:「冇幫過我,你唔講嘢就幫我㗎啦!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能