【唔講唔知】14個巴黎迪士尼嘅秘密

上海迪士尼未開業已被內地人攪到一塌糊塗，好多港人都揚言唔會去上海個個，巴黎、日本甚至香港個個都夠玩啦！但其實迪士尼樂園成功背後，藏住好多秘密，最近網上就流傳咗一堆有關巴黎迪士尼樂園嘅秘密，以下14個你又知唔知？！

1. 任何時候，只會得一個米奇喺樂園門口迎接大家，咁樣嘅話，小朋友先會覺得迪士尼嘅角色喺真實存在，而且喺獨一無二，係架咩？！

2. 飛越太空山(Space Mountain)嘅卡車推進速度，兩秒就可以去到每小時46公里咁快，原來推進系統嘅設計，類似飛機嘅推進系統。

3. 唔單止巴黎迪士尼，所有迪士尼樂園嘅小鎮大街，都會有真嘅理髮師喺度工作，因為創辦人華特迪士尼想讚揚佢嘅理髮師爸爸。

4. 迪士尼喺唔會有得賣香口膠，因為要保持樂園嘅環境清潔，但又無規定唔比你食。

5. 所有嘅迪士尼樂園，喺暗角明角都隱藏住過百個米奇頭嘅圖案，可能喺三隻碟掛喺牆、三個木桶吊起半空。

6. 巴黎迪士尼收藏嘅服飾，喺全歐洲最多，有成25萬件服飾。有啲服飾喺自己造，每年就生產5,000件服飾，其中有啲服飾製作需時200個鐘先完成到。

7. 睡公主城堡嘅彩繪玻璃窗，原來喺採用中世紀同樣嘅彩繪技術，每一塊窗都喺出自高級技師手，花上好幾個月先完成。

8. 城堡嘅彩繪玻璃窗，圖案設計暗藏玄機，某角度去睇，會見到一個個嘅玫瑰花蕾，某角度睇，又會似兩隻糾纏嘅鴿子。

9. 1992年開幕嘅巴黎迪士尼，初期同法國、歐洲文化有所唔適應，例如︰樂園本身冇餐廳提供紅酒，但當地就習慣要飲紅酒，後來都有因應地區而改變做法。08至14年期間嘅行政總裁Philippe Gas就表明要「保持迪士尼，同時與當地文化融合」。

10. 巴黎迪士尼有15,000名員工，來自100個唔同國藉。

11. 巴黎迪士尼入面，員工以賓客或嘉賓去稱呼客人、客戶。

12. 迪士尼所有嘅角色，都有「魔法」保護，絕對唔會喺其他人面前除低服裝，就算喺後台都唔會，只會喺指定位置先會。

13. 巴黎迪士尼有約35,000棵樹，有450種不同品種。

14. 睡公主城堡同小小世界嘅頂部，喺用咗24K金金箔去鋪，咁真材實料。