【大回帶】鄧萃雯被指介入麥潔文婚姻 江華:無後悔當日咁做

·2 分鐘文章
【大回帶】鄧萃雯被指介入麥潔文婚姻 江華無對鄧萃雯感愧疚
【大回帶】鄧萃雯被指介入麥潔文婚姻 江華無對鄧萃雯感愧疚

最近麥潔文因為言論而被網友翻舊帳,重提多年前老公江華同鄧萃雯嘅轇轕。到底係咩一回事?

1996年1月,鄧萃雯轉投亞視,參演劇集《我和春天有個約會》,當時有傳雯女同劇集男主角江華撻著,被記者影到多次出入雯女香閨,而江華妻子麥潔文當時正在懷孕。事件曝光後惹來全城迴響,三方齊齊「解畫」澄清冇事發生,點知事隔幾個月先至入戲肉!

【大回帶】鄧萃雯被指介入麥潔文婚姻 江華無對鄧萃雯感愧疚
【大回帶】鄧萃雯被指介入麥潔文婚姻 江華無對鄧萃雯感愧疚

同年6月﹐鄧萃雯向傳媒聲稱收到電話騷擾,矛頭直指麥潔文。麥不甘示弱,拉埋江華上TVB嘅《城市追擊》,力數雯女借老公做宣傳,又爆雯女喺《我和春天有個約會》宣傳活動上主動撩江華,暗寸雯女求愛不遂。鄧萃雯都作出反擊,拎出一封字跡同麥潔文相似嘅匿名信。雙方都火氣十足,又話要告對方誹謗,但係無晒下文。

事情告一段落,鄧萃雯重返無線,憑《金枝慾孽》如妃一角升呢,之後再以《巾幗梟雄》系列兩奪視后。而江華轉投無線,一度憑《九五至尊》、《尋秦記》、《西遊記》等劇集成為一線小生,但係2006年約滿唔再續約淡出娛圈,由信佛變成信基督教,而麥潔文就靠教唱歌撐起頭家。

【大回帶】鄧萃雯被指介入麥潔文婚姻 江華無對鄧萃雯感愧疚
【大回帶】鄧萃雯被指介入麥潔文婚姻 江華無對鄧萃雯感愧疚

鄧萃雯2009年喺《志雲飯局》上提到試過戀上有婦之夫,解釋當年唔係要破壞人地婚姻,只係以為自己先係對方真正另一半,可惜最後變到反目無情,成為人生中唯一後悔嘅關係。當時有記者搵麥潔文回應,佢話欣賞鄧萃雯修補同認錯,仲承認當時有嬲雯女。幾年後江華接受訪問,直言對當年嘅事「唔後悔」,亦無對鄧萃雯感到愧疚。

【大回帶】鄧萃雯被指介入麥潔文婚姻 江華無對鄧萃雯感愧疚
【大回帶】鄧萃雯被指介入麥潔文婚姻 江華無對鄧萃雯感愧疚

2013年,鄧萃雯有份嘅《金枝慾孽貳》收視麻麻,雯女炮轟劇組「飛紙仔」(臨場出劇本)令演員難以投入。有記者搵江華回應,佢就力撐雯女批評TVB並冇惡意,因此觸動麥潔文喺facebook出post話「江華關心鄧萃雯是被動的,江華關心麥潔文是主動的」,好大陣酸味!

【相關搜尋】鄧萃雯初戀萬梓良