大學研究︰胎兒性別 同孕婦壓力水平有關

19+

 

雖則話仔又好女又好,一樣咁錫,

但係原來孕婦壓力水平,同胎兒性別有關係!

 

哥倫比亞大學搵咗187個年讒介乎18-45歲嘅孕婦,

以量度生理指數、問卷、日記等方式,研究佢地嘅壓力水平,

再按心理及生理壓力高低進行分析。

 

結果發現,心理壓力較大的一批,生仔同生女嘅比率大概係1比2。

有生理壓力嘅組別,3成機會生仔,仔女比率係4比9。

而撇除壓力呢個因素,一般嚟講,生仔同生女比率係接近1比1,仔多少少。

 

研究人員強調,孕婦壓力水平唔會影響胎兒性別,

不過男性胎兒嘅成熟時間較長,對母體內的環境變化比較敏感,

對壓力荷爾蒙的適應力或者較低,可能會令胚胎陀唔穩,

於是生女嘅機率相對增加。

而有家人受朋友支持嘅孕婦,生仔嘅比率又會出奇地高。

 

過去有另一項研究,911事件後,紐約市男嬰出生比率相對下跌,

而懷孕20周後小產的男嬰數目,上升百分之12。

 

睇完呢個研究,更覺得女人好硬淨……

由阿媽陀住已經好有抗逆能力,勁呀!

仲有邊個想得罪一眾絲打?

 

原文傳送門

你可能還想看