奧運 fun fact｜「鄧謝配」怕醜俊文屢 「批肘」 影雪師姐代答傳媒 姊弟組合俘虜港人心｜Yahoo

1. 29歲嘅鄧俊文同32歲嘅謝影雪，上屆東京奧運二人打入四強，雖最後與獎牌擦肩，但亦為港隊羽毛球混雙項目創下奧運最佳成續。今屆奧連謝影雪已成為「四朝元老」，佢亦表示今屆無疑係最後一次。二人喺巴黎八強止步，賽後雙雙落淚。謝影雪大爆近月受盡傷患困擾，「兩三個星期前，我仲喺醫院急症室」、「連牙膏都唧唔到」，鄧俊文話「我哋真係盡咗最大努力，對我哋嚟講都算滿意。」佢哋都話非常之感恩遇到對方、好多謝對方！

2. 呢對姊弟組合至今已經合作8年，奪獎無數，有睇過二人賽後訪問嘅讀者，一定記得每次受訪時，怕醜嘅的鄧俊文都會攪笑以手「批肘」謝影雪，要求「師姐」代答嘅畫面。謝講笑話過「訪問次次唔答嘢，比我答晒，次次都係咁。」二人場外性格一凹一凸，謝影雪為人直率，鄧俊文則較為內向，訪問時不時都會取笑「師弟」，鄧俊文總係面都紅晒

3. 二人為咗羽毛球發展，中學時期都要暫停學業。謝影雪中三綴學加入港隊，鄧俊文亦喺中四後停學代表香港征戰，起初謝影雪曾出戰女單項目，其後轉向女雙發展；至於鄧俊文則先以男雙作主項，再轉至混雙組

4. 「鄧謝配」喺場上嘅獨特之處，正正係二人都係左撇子，令場上對手難以適應。但原來平日生活上，謝影雪全多用左手為主，但鄧俊文寫字則用右手

5. 謝影雪早年曾左、右肩輪流甩臼，一度休養5個月，當時同鄧俊文要暫時拆夥。康復後，謝至今雙肩仍不時酸痛，曾多次訓練時因用力過度引致差點甩臼。上屆東奧前，佢嘅左膝亦因勞損要接受多次治療及打骨針，以防膝頭於比賽時磨擦骨頭致痛

6. 上屆東京奧運，謝影雪上載一段喺日本操練嘅影片，一邊做深蹲，一邊播著現時男團MIRROR嘅歌《IGNITED》，佢仲特登標記MIRROR笑謂：「有呢個景再加 @mirror.weare，應該可以做多幾組。」

7. 謝影雪自小受媽媽和家姐嘅影響，而開始接觸羽毛球，於15歲時入選香港羽球代表隊，為咗專心練習羽毛球，謝影雪放棄了名校協恩中學嘅邀請，選擇離家只有5分鐘路程嘅學校

8. 謝俊文本身係一個足球迷，偶像係C朗拿度，自小同爸爸踢足球，小學時被安排參加足球訓練，但佢唔鐘意身體碰撞同踢到全身污糟邋遢，故放棄足球改練羽毛球

9. 謝俊文雖然球壇年資比謝影雪較短，但佢嘅往績亦非常出色。鄧俊文於2014年開始代表香港出戰仁川亞運，而佢同謝影雪呢個組合自2016年開始，曾贏得2018年世界羽球錦標賽混雙季軍，最高排名更達世界第二

10. 「鄧謝配」喺今年德國公開賽打破4年「錦標荒」，時隔2年再戰年終賽，隨後喺德國公開賽奪冠，並喺全英賽、亞錦賽打入8強，最終以第7名取得奧運入場券。二人起初冇諗過可以再參與奧運，因為佢哋喺東奧後狀態浮沉，但最終都可以成功出戰今屆巴黎奧運，