姜濤自揭要求公司雪藏 驚爆：冇乜必要再撈落去！

姜濤昨日（4日）接受森美和小儀的電台節目訪問，對於之前在「叱咤頒獎禮」獻唱《鏡中鏡》惹來負評，他稱當時只想抒發情緒，更指曾向公司請求雪藏一年。之後姜濤竟爆出一句：「樓都買埋，有地方可以收埋自己，都冇乜必要再撈落去，哈哈！」但隨即他表示只是說笑而已。

而姜濤亦曾在節目中講過不想再唱《蒙著嘴說愛你》，他稱：「疫情都過咗，冇咩意欲再唱，雖然依家我都仲係蒙住。」但小儀就潑他冷水說：「你一世都要唱呢首歌㗎喇！」姜濤即表示不想到四、五十都要扮可愛，場面搞笑。