姜濤驚咗身邊異性唔敢「偷食」

東方日報
·1 分鐘文章

姜濤日前到電台受訪,談到擇偶條件,他坦言不相信一見鍾情,最緊要大家能溝通,圈內圈外都不重要,他喜歡長直髮的女仔,直認固執的他說:「真係鍾意咗,點樣我都會同佢走埋一齊。」以前會擔心粉絲不鍾意他拍拖,但其實粉絲好理性,甚至會幫他揀女友:「一切隨緣!希望30歲結婚,依家對身邊異性有啲驚,因為每個異性都會變成話題,大家都係無辜嘅。」他坦言都驚失去姜濤的光環,但相信歌手做好自己作品,已是一個保證。着重私人空間的他,要克服外界入侵其生活,難免有少少情緒,他笑說:「以前唔開心可以食嘢,依家演唱會在即,我唔可以偷食。」更自爆未來願望是重過200磅肥仔人生:「我想做番個肥仔,追求努力過之後,去一個冇人認識嘅地方過下半世,我可以同我啲子子孫孫講,你阿爺以前都威過!」

另外,月底22歲生日的他獲粉絲買下電車車身廣告慶生,昨日開始巡遊。要數最誇張一次是他出道時收到粉絲送他一塊新西蘭地皮,他說:「有證書嘅,塊地仲有我個名,本身塊地唔係用嚟起樓,係代表我支持環保,我都開心佢哋捐錢做善事。」