尾場粉絲吹雞 以為係阿媽 陳奕迅愛的宣言 搞喊囡囡

陳奕迅（Eason）在紅館舉行的27場演唱會前晚圓滿結束，他全晚表現興奮又感觸，數度強忍淚水。期間有粉絲吹了三吓哨子聲作提示，全場即舉起手幅並合唱《天下無雙》，Eason聽到哨子聲時問：「係咪我阿媽？佢好鍾意帶哨子出街。」他又將手幅上自己的照片看成鄭欣宜，不改搞笑本色。

Eason安歌了6首歌，唱完《單車》後發表愛的宣言：「我愛你爸爸、媽媽，我都愛我老婆同女。」台下的女兒康堤亦感動落淚。他自言最想跟人分享時間與經驗，很喜歡「承傳」這兩個字，又指近年買外賣會自備可重用的外賣盒及餐具，最後他致敬音樂人，坦言沒有他們，演唱會只會變成棟篤笑。

稍後展開星馬巡演

受訪時，Eason稱完成個唱很感動：「我朝早仲驚緊，前幾日個喉嚨腫得好緊要，朝早7點先瞓到，都擔心衰收尾，好在今晚OK，鬆咗口氣。」他透露休息個多月後便要到馬來西亞、新加坡及台灣舉行巡迴個唱。提到在台上自爆腳腫，他解釋因減磅太急，沒有脂肪支撐膝蓋，腳有點痠痛。Eason為了個唱而住在酒店個多月，他開玩笑表示：「我住慣咗酒店，分分鐘唔返屋企。（係咪好耐冇攬太太同個女？）佢哋今日做咗核酸，所以開騷前攬咗。」