張名雅再晒婚照 暗示雙囍臨門？

在熱爆劇《城寨英雄》中飾演「胡妮」的前港姐張名雅，七月時承認已接受圈外男友Joe的求婚，其後更上載婚照公布喜訊！今日張名雅又再上載與未婚夫的甜蜜婚照，相信係婚期將近，所以分享靚相兼倒數，而且更暗示係雙囍臨門喎！唔通係想俾驚喜大家？

現年28歲的張名雅與圈外男友Joe打得火熱，佢早前接受訪問時大方承認已答應男友求婚，並表示婚禮其實已籌備咗一段時間，所以目前非常忙碌！至於係咪奉子成婚，Carat就話BB呢啲太長遠唔會諗住。

之後張名雅相約眾姊妹如陳庭欣、唐貝詩、何傲兒、樂瞳等，出來商量籌備婚禮過程，更請眾人加入姊妹團，希望婚禮時可以齊齊見證佢難忘時刻！當時陳庭欣更留言：「準人妻，請你放心，我哋將會係史上最強伴娘團！」到時新郎同班兄弟真係要小心！

其中唐貝詩近日踢爆張名雅會在九月頭擺酒，其實話咁快已經九月，究竟係邊日呢？

今日張名雅再度在IG晒婚照，上次嗰張矇查查，今次呢張靚得多！相中見到張名雅着上白色低胸婚紗，而未婚夫則輕吻其手背，真係非常浪漫！婚期將近，所以佢都拎啲靚相出來回味兼倒數：「平時拍劇，拍廣告，出event都會穿婚紗，但這次卻不一樣，因為有你。Counting down」 另外見到佢tag埋「#family」，唔知係咪想暗示雙囍臨門，兩公婆連同肚裏BB組織家庭？

全文完

延伸閱讀：

吳幸美《東張》試酒片hit爆

34D高Ling出水盪奶派福利