張振朗爆肌喊驚起「殺意」

·1 分鐘文章
一班演員堆在大螢幕前與黎耀祥合照。
一班演員堆在大螢幕前與黎耀祥合照。

藝人張振朗、姚子羚及蔡潔等昨日在商場出席無綫台慶劇《拳王》宣傳活動,身在內地的黎耀祥透過視像通話參與宣傳,笑言最難忘是為了劇中20秒的回憶片段而減磅2個月。大會安排眾演員與大螢幕中的他合照,他笑說:「大吉利是!同我大頭影相,等我拉後少少先!」

振朗為角色花了一年時間操出一身爆肌,但現已打回原形,他笑說:「依家冇晒,變番正常人嘅肌肉,咁強悍嘅狀態可能一生人得一次,有啲驚!下次試吓其他,做吓變態殺手。」他與譚俊彥因合作劇集《包青天再起風雲》成為好友,譚俊彥直言:「客串係因為戲中做佢阿哥,我用咗半年時間減15磅,就係為咗影一張拳王嘅相畀張振朗。」張振朗表示:「好感動,一望見張相自己就嚟料。」

姚子羚幻想陳豪係亡夫

至於姚子羚與黎耀祥對手戲多多,她說:「同祥哥《造王者》後再合作,又唔可以話驚,戲裏面好多高手過招戲,要靠眼神、細微表情,希望同祥哥有火花,佢係另一境界嘅人。」並透露為了入戲,將陳豪幻想成劇中未有露面的亡夫,大讚電視圈好男人首選非他莫屬。

姚子羚上擂台起飛腳,但似乎未夠狠勁!
姚子羚上擂台起飛腳,但似乎未夠狠勁!



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能