張敬軒雞手鴨腳 幫Karen剝衫

·2 分鐘文章
張敬軒在台上跪地幫莫文蔚換衫。
張敬軒在台上跪地幫莫文蔚換衫。

莫文蔚(Karen)前晚在紅館舉行一連3場演唱會的頭場演出,全晚換上10多套服裝,她開心跟大家打招呼:「我返咗嚟,真係等咗好耐好耐!今次開騷唔簡單,成年幾抗疫,呢兩年好特殊會記一世,好開心最後一次大型演唱會有你哋!」因為防疫措施,座位要4人一組疏落坐開,她說:「通常開騷爆滿,但覺得今次吉位好靚、好有意義,第一日做藝人同自己講,無論一萬個定一個觀眾,都要全力以赴,所以就算坐5成定幾成都好,我會用雙倍、3倍、5倍努力!」

Encore環節,她換上「Tennis女神」造型,與嘉賓張敬軒合唱《只怕不再遇上》,期間攬攬、拖手,軒仔又從後抱她,全場即尖叫!軒仔坦言:「由滾石時期已經係你嘅粉絲,開心可以見證你嘅28年。」他又讚歌衫將Karen完美身形表露無遺,更當住其老公面前,即場在台上幫對方換衫!他解開對方拉鏈及心口的鈕,笑說:「我雞手鴨腳,又驚除錯扣,搞到成件甩晒。」最後Karen唱出《回家》等多首廣東歌,坦言:「講唔盡對大家嘅多謝,尤其是等咗我咁多年,我唔係忽略香港,只係條路咁帶我走,依家又帶我返嚟做最後一次演唱會,可能會再有機會嘅,音樂會令我哋再相遇!」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能