張致恒老婆雯雯自爆要做手術有風險 「照顧好上天嘅禮物」網友估︰再有第4胎？

張致恒Steven同老婆雯雯（區燕雯）2019年婚後育有3個仔，本該樂也融融，但係雯雯不時喺社交平台上抒發，唔少帖文仲暗示老公「又懶又廢」，甚至曾經發表疑似離婚宣言，令外界估計夫婦關係唔多好，甚至戲稱雯雯係「離婚界KOL」。

不過早前Steven自貼深夜喺屋企為家人整鹹湯圓，似乎同老婆關係有改善。而雯雯日前就喺IG發長文，表示會停用帳戶，又解釋過去點解成日放負。

文中雯雯又提到「我都唔知大家嘅關係能唔能夠修補 但係呢一刻我相信大家都需要時間去行落去」，似乎已透露同Steven嘅狀況。不過最驚人係雯雯提到「面對嘅手術 的確好驚 ／ 好怕個風險，上天要帶我走 」、「既然上天再一次俾咁樣嘅安排我 ／ 我就應該好好計劃，靠自己去照顧好上天比嘅每一份禮物」。

有網友就從字裡行間估，雯雯會唔會再次懷孕，同Steven 四年抱四？不過亦有可能雯雯有健康上嘅毛病要調理，先至出post為自己打氣，兼且開個新IG帳戶告別「放負」過去。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！