張頴康冇乜兩句 譚俊彥:佢有自己諗法

·1 分鐘文章
張頴康(左)、譚俊彥劇中與鄧佩儀有感情線,相處時間不少。
張頴康(左)、譚俊彥劇中與鄧佩儀有感情線,相處時間不少。

對於鄧佩儀被爆麻煩多多而坐10個月「冷板櫈」,同劇拍檔為她講好話,當中譚俊彥直指「她有自己諗法」,並說:「拍劇嗰時都有傳過佢麻煩,我同張頴康澄清過,佢有自己諗法,但有聽人意見,第一次擔正,外界讚已經難得。(佢返加拿大?)我呢排好忙,冇聽過,但我哋有個大Group,大家講好大結局嗰陣嚟我餐廳食飯。」

至於拍劇期間與鄧佩儀傳不和的張頴康,笑指自己更麻煩:「如果話麻煩,應該我麻煩多啲!佢好盡力,第一次做女主角都驚佢頂唔順,因為少休息時間,又多戲要處理,但佢冇怨言。」談及鬧交傳聞,他笑說:「我哋埋位就演戲,冇乜兩句。我唔知佢返加拿大,唔會啩!佢個起步咁好。」

而劉佩玥認為演員自我要求高是專業精神,撐鄧佩儀不會「Hea過」︰「我哋花咗好多心機、時間夾對白,諗點樣可以做得好啲,大家相處好融洽、開心。(知佢返加拿大?)呢樣比較私人,問番佢好啲。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能