微辣阿晶逝世︳ 網紅爆微辣疑似「收檔」網上流出藝人價目表 最高薪3人全離巢

網路頻道微辣前經理人Jane（阿晶）於上月 26 日疑受抑鬱症困擾輕生離世，佢離世前喺IG留下遺言，對微辣及當中成員作出控訴，令網民紛紛指責微辣。阿晶出事後，微辣已經取消原定本月 12 日舉行嘅十周年演出，旗下多名藝人亦宣布離開。而微辣亦喺上星期四（10日） 宣布專頁暫停更新，同日更有疑似係由署名「微辣創辦人及 CEO 六毫子」發出嘅內部信件，提到「我們需要時間去讓思緒沉澱，反省過去的不足，以及思考未來的路 / ……請各位今後繼續保持善良，為世界提供更多正面情緒及歡樂，期待未來我們能夠再次合作，再次展開新的旅程」。

微辣日後發展仍未明朗，但人稱「富二代網紅」嘅Sean Lam日前就喺IG出post，大爆微辣「執笠」! Sean Lam嘅帖文指「有廣告商向微辣追款，其中有兩宗涉及違約；另外有合作公司指原定需於六月到期付款的工作，至今還沒找清，致電六毫子則無人接聽。微辣員工已經收到通告被遣散，並透露微辣文化已向業主發出退租通知書，於月底中止租約。」。截稿時微辣未有回應消息是否屬實。

另外，微辣藝人喺阿晶事件後，前途同樣唔明朗。近日網上就流傳一份「價目表」，列出多名微辣藝人疑似工作酬勞。其中三位已宣布離開微辣嘅豪DEE、霍哥及阿晶舊愛加蔥都相當吸金，拍5分鐘以上、有植入式廣告嘅VLOG(日記式影片)，三人開價5-6萬不等。而搵佢地拍「1-3分鐘劇情片」更需要15-17萬。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！